ចូលនិយាយពីភាពខុសប្លែកគ្នារវាងបទល្មើសព្រហ្មទណ្ឌ និងអំពើល្មើសផ្នែករដ្ឋប្បវេណី ?

ភាពខុសប្លែកគ្នារវាងបទល្មើសព្រហ្មទណ្ឌ និងអំពើល្មើសរដ្ឋប្បវេណ ៖

+ បទល្មើសព្រហ្មទណ្ឌ

• ប្រភព ៖ ត្រូវតែជាអំពើដែលច្បាប់បានចែងយ៉ាងច្បាស់លាស់ថា ជាបទល្មើសព្រហ្មទណ្ឌនៅក្នុងក្រុមព្រហ្មទណ្ឌ។
• លទ្ធផល ៖ ពេលខ្លះមានព្យសនៈកម្ម ពេលខ្លះទៀតពុំមានព្យសនៈកម្មទេ តែកើតជាបទល្មើសដូចគ្នា ។
• ទណ្ឌកម្ម ៖ ទោសពន្ធនាគា និងទោសពិន័យជាប្រាក់ផលប្រយោជន៍បានទៅរដ្ឋ ។

+ អំពើល្មើសផ្នែករដ្ឋប្បវេណី

• ប្រភព ៖

         - មានចែងនៅមាត្រា ៧៤៣ កថាខណ្ឌទី១ (បុគ្គលដែលបំពានដោយខុសច្បាប់នូវសិទ្ធិ ឬផលប្រយោជន៍របស់ជនដទៃដោយកំហុសចេតនា ឬដោយកំហុសអចេតនាត្រូវទទួលខុសត្រូវក្នុងការសងការខូចខាត ដែលកើតឡើងដោយអំពើនោះ)។

         - មានចែងនៅមាត្រា ១២១ នៃក្រឹត្យច្បាប់លេខ ៣៨ ដែលចែងយ៉ាងច្បាស់ ថា (ជនណាដែលធ្វើអោ យខូចខាតដល់អ្នកដទៃ ដោយកុំហុសរបស់ខ្លួន ជននោះត្រូវជុសជុលរល់ការខូចខាតនោះ) ។

• លទ្ធផល ៖ ត្រូវតែមានព្យសនៈកម្មកើតឡើង ។ វាជាកត្តាចាំបាច់ដើម្បីអោយចៅក្រមអាចដាក់ទណ្ឌកម្មលើអ្នកប្រព្រឹត្តបាន ។
• ទណ្ឌកម្ម ៖ ការបង់សំណងជំងឺចិត្តជាទណ្ឌកម្មសម្រាប់អំពើល្មើសផ្នែករដ្ឋប្បវេណី និងជាទណ្ឌកម្ម ដែលផ្តល់ផលប្រយោជន៍ដល់ជនរងគ្រោះ ។