តើអ្វីជាគោលការណ៍សំខាន់បំផុតនៃការបែងចែកអំណាច ? ហើយផ្តល់ប្រយោជន៍អ្វីខ្លះរវាងអំណាចទាំងបី ?

នេះប្រហែលជាយោងមាត្រា ៥១ថ្មីនៃរដ្ឋធម្មនុញ្ញ ។ គេបែងចែកអំណាចយ៉ាងនេះ គឺដើម្បីកុំឱ្យអំណាចនីមួយៗរំលោភលើសិទ្ធិសេរីភាពរបស់ប្រជាពលរដ្ឋ ។ មានន័យថា នីតិបញ្ញត្តិជាអ្នកធ្វើច្បាប់ហើយនីតិប្រតិបត្តិជាអ្នកអនុវត្តច្បាប់ និង អំណាចតុលាការទាក់ទងនឹងយុត្តិធម៌ ការពារសិទ្ធិរបស់ពលរដ្ឋ ។ គោលការណ៍នៃការបែងចែកអំណាចជាបីដាច់ពីគ្នា ហើយអំណាចទាំងបីមានសមត្ថកិច្ចដោយឡែកៗពីគ្នា នេះជាគោលការណ៍សកលផ្ទុយពីសង្គមដែលអំណាចទាំងអស់ចេញពីមនុស្សតែម្នាក់ ។ បើកាលណា អំណាចច្របូកច្របល់វានាំឱ្យសង្គមច្របូកច្របល់ និងអាចឈានទៅរកអន្តរាយ ។