សំណួរ-ចម្លើយ សេដ្ឋកិច្ច (ភាគ២៥)

សំណួរ

១២១- តើវិបត្តិសេដ្ឋកិច្ចបង្កឡើងដោយបញ្ហាមួយចំនួន និងមានរូបភាពអ្វីខ្លះ ? ចូរពន្យល់ចំណុចនីមួយៗ ។

១២២- តើឥរិយាបថអវិជ្ជមានដែលផ្តល់ផលប៉ះពាល់ដល់សេដ្ឋកិច្ចមានអ្វីខ្លះ ?

១២៣- ដូចម្តេចដែលហៅថាកម្មវិធីជាតិ ?

១២៤- ដូចម្តេចដែលហៅថា យុទ្ធសាស្រ្តចតុកោណ ?

១២៥- តើការសម្របសម្រួលគោលនយោបាយម៉ាក្រូសេដ្ឋកិច្ចមានន័យយ៉ាងដូចម្តេច ?

ចម្លើយ

១២១- វិបត្តិសេដ្ឋកិច្ចបង្កឡើងដោយបញ្ហាមួយចំនួន និងមានរូបភាពដូចខាងក្រោម ៖

• វិបត្តិនយោបាយ
• វិបត្តិគ្រោះធម្មជាតិ
• វិបត្តិក្នុងការគ្រប់គ្រងថវិការដ្ឋ
• វិបត្តិផលិតផលលើស
• វិបត្តិកសិកម្ម
• វិបត្តិថាមពល
• វិបត្តិបរិស្ថាន
• វិបត្តិរូបិយវត្ថុ
• វិបត្តិវប្បធម៌ ។

១២២- ឥរិយាបថអវិជ្ជមានដែលផ្តល់ផលប៉ះពាល់ដល់សេដ្ឋកិច្ចមានដូចជា ៖

• ការមិនឲ្យតម្លៃលើការសិក្សា ដោយបណ្តែតបណ្តោយខ្លួនឲ្យស្ថិតក្នុងគ្រោះអវិជ្ជា ឬនិយមការសិក្សាតែបន្តិចបន្តួច ។
• ការគាំទ្រវប្បធម៌ (មានបានដោយមិនបាច់ប្រឹង)
• ការស្អប់ខ្ពើមពលកម្មផលិតកម្មនិងពាណិជ្ជកម្ម
• ការនិយមអំពើពាលា
• ការនិយមប្រើអំពើហិង្សាក្នុងគ្រួសារ
• ការជួញដូរមនុស្ស និងការរើសអើងភេទ
• ការរើសអើងជនពិការ
• ការប្រកាន់វ័យ
• ការប្រកាន់វណ្ណៈ
• ការបាត់បង់អត្តសញ្ញាណជាតិ
• ការដាក់ប្រយោជន៍ផ្ទាល់ខ្លួនជាចម្បង ឬប្រឆាំងនិងប្រយោជន៍ជាតិ
• កង្វះការគោរពកម្មសិទ្ធិបញ្ញា
• កង្វះការគោរព និងអនុវត្តច្បាប់អំពីសំណាក់ប្រជាពលរដ្ឋ
• កង្វះអន្តរាគមន៍របស់រដ្ឋក្នុងរូបភាពការអប់រំ ព្រមានទប់ស្កាត់ និងអនុវត្តច្បាប់ចំពោះបាតុភាពសកម្មខាងលើ ។

១២៣- ដែលហៅថា កម្មវិធីជាតិ គឺជាផែនការសកម្មភាពការងារទៅអនាគត រៀបចំឡើងដោយរដ្ឋាភិបាលដើម្បីសម្រេចឲ្យបានគោលបំណងណាមួយ ។

១២៤- ដែលហៅយុទ្ធសាស្រ្តចតុកោណ គឺជារបៀបវារៈគោលនយោបាយសេដ្ឋកិច្ចនៃកម្មវិធីនយោបាយរបស់រាជរដ្ឋាភិបាល សម្រាប់នីតិកាលទី ៣ នៃរដ្ឋសភា ដែលត្រូវបានយកមករៀបចំលម្អិតបន្ថែម ហើយសម្រិតសម្រាំងនិងរំលេចឲ្យចេញជាកញ្ចក់អាទិភាពទៅតាមបណ្តាវិស័យសំខាន់នានា ដែលមានលក្ខណៈគ្រប់ជ្រុងជ្រោយនិងជាប្រព័ន្ធស៊ីចង្វាក់ប្រើទារក់គ្នាទៅវិញទៅមក ហើយងាយយល់និងងាយគ្រប់គ្រងអនុញ្ញាតឲ្យរាជរដ្ឋាភិបាលនិងដៃគូរអភិវឌ្ឍន៍ ដែលមានការពាក់ព័ន្ធទាំងអស់អាចប្រើ ប្រាស់បានជា “ឧបករណ៍គ្រប់គ្រង” សម្រាប់ការអនុវត្តរបៀបវារៈគោលនយោបាយសេដ្ឋកិច្ចរបស់កម្ពុជា ដែលជាសមាសភាគចម្បងនៃ “កម្មវិធីនយោបាយ” របស់រាជរដ្ឋាភិបាល ។

១២៥- ការសម្របសម្រួលគោលនយោបាយម៉ាក្រូសេដ្ឋកិច្ច មានន័យថាជាការបង្កើនឥទ្ធិពលទៅលើអថេរភាពសេដ្ឋកិច្ចតាមរយៈការប្រើប្រាស់ឧបករណ៍គោលនយោបាយរបស់រដ្ឋដោយរដ្ឋាភិបាល ។

តភាគ