តើសិទ្ធិប្រក្យត្សមានសារៈសំខាន់អ្វីខ្លះចំពោះបុគ្គល ?

សិទ្ធិប្រក្យត្ស គឺជាសិទ្ធិរបស់បុគ្គលផ្ទាល់ទៅលើទ្រព្យ ដែលសិទ្ធិទាំងនោះគឺមានសារៈចំពោះបុគ្គលនៅក្នុងជីវភាពរស់នៅប្រចាំថ្ងៃ ក៏ដូចជាជីវភាពនៃកិច្ចការជំនួញ ។ មានន័យថានៅពេលរស់នៅប្រមូលផ្តុំគ្នា គឺមនុស្សចាប់ផ្តើមមានទំនាក់ទំនង មនុស្សអាចមានការព្រមព្រៀងបង្កើតសិទ្ធិ និងកាតព្វកិច្ចទៅលើទ្រព្យដែលស្ថិតនៅ ក្រោមការគ្រប់គ្រងរបស់ខ្លួនដោយសេរី ​ដោយមិនមានភាពអនាធិបតេយ្យ​ ។ ដូចនេះ ការយល់ដឹងអំពីសិទ្ធិប្រត្យក្ស គឺមានសារៈសំខាន់ចំពោះរូបវន្តបុគ្គល ឬនីតិបុគ្គលដែលជាម្ចាស់សិទ្ធិ ក្នុងគោលដៅធានាសុវត្ថិភាពនៃការអនុវត្តសិទ្ធិប្រត្យក្ស និងការកំណត់ព្រំដែននៃសិទ្ធិប្រត្យក្សដែលអនុវត្តយ៉ាងណា កុំឲ្យមានការបំពានទៅលើសិទ្ធិអ្នកដទៃ និងបង្កការខូចខាតដល់ផលប្រយោជន៍សាធារណៈ ។