តើសិទ្ធិលើបំណុល និងសិទ្ធិប្រត្យក្សមានលក្ខណៈខុសគ្នាដូចម្តេច ?

សិទ្ធិលើបំណុល និងសិទ្ធិប្រត្យក្សមានលក្ខណៈខុសគ្នាដូចជា ៖

ក- សិទ្ធិប្រត្យក្ស

• សំដៅទៅលើសិទ្ធិគ្រប់គ្រងលើវត្ថុ
• អាចបង្កើតបានតែតាមប្រភេទ និងខ្លឹមសារដែលត្រូវបានទទួលស្គាល់ដោយច្បាប់តែប៉ុណ្ណោះ ។
• មានលក្ខណៈដាច់ខាត ពោលគឺម្ចាស់សិទ្ធិប្រត្យក្សអាចអះអាងអំពីសិទ្ធិដែលខ្លួនមានចំពោះគ្រប់បុគ្គលទាំងអស់ ។
• ភាពផ្តាច់មុខនៃសិទ្ធិប្រត្យក្ស ។ នៅលើវត្ថុតែមួយមិនអាចអត្ថិភាពជាន់គ្នានៃសិទ្ធិប្រត្យក្សដែលមានខ្លឹមសារដូចគ្នាបានទេ ។

ខ- សិទ្ធិលើបំណុល

• សិទ្ធិក្នុងការទាមទារឲ្យកូនបំណុលបំពេញតាវកាលិក
• អាចបង្កើតបានតាមការព្រមព្រៀង ទោះបីជាមិនមានច្បាប់ចែងក៏ដោយ កុំឲ្យតែផ្ទុយនឹងច្បាប់ ។
• មានលក្ខណៈមិនដាច់ខាត ពោលគឺម្ចាស់បំណុលអាចអះអាងសិទ្ធិដែលខ្លួនមានចំពោះកូនបំណុល ឬអ្នកជាប់កាតព្វកិច្ចតែប៉ុណ្ណោះ ។
• សិទ្ធិលើបំណុល មិនមានភាពផ្តាច់មុខ ដូចសិទ្ធិប្រត្យក្សទេ គឺបានន័យថាសិទ្ធិលើបំណុលដែលមានខ្លឹមសារដូចគ្នាអាចមានអត្ថិភាពជាន់គ្នាទៅលើបុគ្គលដែលបានកំណត់តែមួយបាន ។