គេថាការអប់រំមានឥទ្ធិពលលើឥរិយាបទប្រជាសាស្ត្រ ។ ចូរពន្យល់ ។

មុននឹងឈានដល់ការបកស្រាយ យើងគប្បីយល់ន័យពាក្យ “ឥរិយាបទប្រជាសាស្ត្រ” សិន ។ ឥរិយាបទប្រជាសាស្ត្រសំដៅដល់ ស្ថានភាពនៃអាពាហ៍ពិពាហ៍ បម្លាស់លំនៅ​ មរណភាព លទ្ធភាពបង្កកំណើតរបស់ប្រជាជនជាដើម ។

ជាការពិត លក្ខខណ្ឌនៃការអប់រំ គឺអាចជះឥទ្ធិពលលើចំណុចខាងលើនេះ ព្រោះនៅពេលប្រជាជនមានការអប់រំខ្ពស់ល្អប្រសើរនឹងជួយឱ្យ៖

• ប្រជាជនមានការងារធ្វើសមរម្យ មានប្រាក់ចំណូលគ្រប់គ្រាន់ កាត់បន្ថយបម្លាស់ទីលំនៅ ឬចំណាកស្រុក
• ប្រជាជនយល់ពីតម្លៃសុខភាព ចេះថែរក្សាសុខភាព ចេះហាត់ប្រាណ យល់ដឹងពីរបបអាហារ  អនាម័យ កាត់បន្ថយអត្រាមរណៈប្រមាណ លទ្ធភាពបង្កកំណើតថយចុះ    រស់នៅបានយូរ (ដូចជនជាតិជប៉ុនជាដើម)
• ប្រជាជនអាចពន្យារអាយុរៀបការ រង់ចាំមានការងារធ្វើ ដោយសារយល់ពីតម្លៃនៃការរៀនសូត្រ...ហើយបើរៀបការរួច ក៏អត្រាលែងលះគ្នា ឬអំពើហិង្សាថយចុះទាប...
• ប្រជាជនកាត់បន្ថយការចង់បានកូនច្រើន ព្រោះការអប់រំធ្វើឱ្យប្រជាជនចេះគិតពីបញ្ហាប្រឈមនៃការមានកូនច្រើន...
• ស្ត្រីដែលមានចំណេះដឹង ចេះថែទាំសុខភាពពេលកំពុងពពោះ និងក្រោយពេលសម្រាល ញ៉ាំអាហារមានជីវជាតិ យល់ដឹងពីការចាក់វ៉ាក់សាំងនិងថែទាំទារក...

តែផ្ទុយទៅវិញ ប្រសិនបើសង្គមមួយដែលប្រជាជនមិនសូវមានការអប់រំទេនោះ វានឹងធ្វើឱ្យចំណុចខាងលើប្រែប្រួល ​អាចពីច្រើនទៅតិច ឬពីតិចទៅច្រើន និងអាចជះបាតុភូតអវិជ្ជមានដល់សង្គមទៀតផង ។

ហេតុនេះហើយទើបគេនិយាយថា ការអប់រំមានឥទ្ធិពលលើឥរិយាបទប្រជាសាស្ត្រ ។ 

សូមអរគុណ! រាល់ចម្ងល់ ប្អូនៗអាចCall សួរបញ្ជាក់បន្ថែម 088 40 14 987