ចូរធ្វើការសិក្សាអមពីបម្រែបម្រួលនៃសីលញាណ។

          សីលញាណ ពុំមែនជាសតិនៅនឹងថ្កល់នោះទេ វាជាសតិមួយដែលរស់រវើក ហើយកំពុងតែលូតលាស់ផង។ តាមការពិនិត្យពិចារណា គេឃើញសីលញាណមានបម្រែបម្រួច្រើន ឯសីលតម្លៃក៏ហាក់ដូចជាមិនជាក់លាក់ហើយគ្មានអ្វីដាច់ខាតសោះ ព្រោះការវិនិច្ឆ័យអំពីកុសល និងអកុសល ប្រែប្រួលទៅតាមសម័យកាល អរិយធម៌ ពេលវេលា និងទីកន្លែង។ ឧទាហរណ៍ នៅប្រទេសឥណ្ឌា ពួកកាន់សាសនាហិណ្ឌូចាត់ទុកការបរិភោគសាច់គោជាបាបកម្មមួយធំពន់ពេកណាស់។

            បច្ចុប្បន្ន អាស្រ័យដោយមានការជឿនលឿនផ្នែកសេដ្ឋកិច្ច តិចនិច និងការរីកចម្រើនខាងបញ្ញាផង បម្រែបម្រួលនេះកាន់តែថយតិចទៅៗហើយឆ្ពោះទៅកាន់គោលការណ៍មួយដែលមានលក្ខណៈសកល និងតម្លៃ។