ចូរបង្ហាញពីខ្លឹមសារនិងអត្ថន័យគោលការណ៍នានាស្តីពីសិទ្ធិកុមារ ។ តើកុមារគួរតែទទួលបាននូវសិទ្ធិបែបណាខ្លះ ?

កុមារគ្រប់រូបត្រូវទទួលបាននូវសិទ្ធិទាំងអស់ដែលបានការណ៍ស្តីពីសិទ្ធិកុមារ ដោយគ្មានការបែងចែក ឬ រើសអើងពូជសាសន៍ ពណ៌សម្បុរ ភេទ ភាសា សាសនា មតិនយោបាយ សញ្ជាតិ ឬ ប្រភពសង្គម ទ្រព្យដែលសម្បត្តិស្ថានភាព កំណើតនិងមតិយោបល់ផ្សេងៗទៀត ទោះជាកើតនៅឯណា ឬកើតមកពីណាក៍ដោយ ។

កុមារគ្រប់រូបត្រូវទទួលបាននូវសិទ្ធិដូចជា ៖

• កុមារត្រូវទទួលបាននូវការគាំពារពិសេស
• ទទួលបានឱកាសលក្ខណៈ ងាយស្រលទាំងក្នុងផ្លូវច្បាប់និងមធ្យោបាយផ្សេងៗទៀត ដើម្បីឲ្យកុមារមានការលូតលាស់លើផ្នែករាងកាយ សតិបញ្ញា សីលធម៌ ស្មារតី និង សង្គមនៅក្នុងលក្ខខណ្ឌនៃសេរីភាពនិងសេចក្តីថ្លៃថ្នូរ
• កុមារត្រូវតែមានសិទ្ធិទទួលបានឈ្មោះមួយ និងសញ្ជាតិ
• កុមារត្រូវទទួលបានគុណប្រយោជន៍ ពីសន្តិសុខសង្គមនិងសិទ្ធិក្នុងការរីកចម្រើនធំធាត់និងមានសុខភាពល្អ
• កុមារត្រូវមានសិទ្ធិទទួលបាននូវការហូបចុក ស្នាក់នៅ កំសាន្ត និង សុខាភិបាលគ្រប់គ្រាន់
• កុមារដែលមានសុខភាពមិនល្អផ្នែករាងកាយ និង សតិបញ្ញា ឬផ្នែកសង្គមត្រូវតែទទួលបានកិច្ចព្យាបាលការគាំពារ អប់រំនិងទទួលបានការថែទាំជាពិសេស
• កុមារត្រូវទទួលបាននូវការស្រលាញ់ ថ្នាក់ថ្នម ការយល់ ចិត្តថ្លើម សន្តិសុខ សុវត្ថិភាព ទាំងផ្នែកសម្ភារៈ និង សីលធម៌ ការធំធាត់ក្នុងការថែទាំគ្រប់ករណី
• កុមារដែលងាយរងគ្រោះ គួរតែទទួលបាននូវការថែទាំពិសេសនិងការឧបត្ថម្ភផ្សេងៗ
• កុមារគ្រប់រូបមាន សិទ្ធិទទួលបានការសិក្សារៀនសូត្រដោយឥតបង់ថ្លៃ យ៉ាងហោចរៀនឲ្យបានចប់ត្រឹមកម្រិតបឋមសិក្សា
• កុមារត្រូវទទួលបានការអប់រំ និងការបណ្តុះបណ្តាលចំណេះដឹងទូទៅ
• កុមារត្រូវមានឱកាសពេញលេញដើម្បីលេង និងសម្រាកកំសាន្តដែលមានគោលដៅអប់រំ
• កុមារមានសិទ្ធិប្រឆាំងតទល់រាល់ទម្រង់ នៃការរើសអើងពូជសាសន៍ សាសនា ការបោះបង់ ការប្រើអំពើហិង្សាការជិះជាន់កេងប្រវ័ញ្ច
• កុមារត្រូវតែទទួលបានការអប់រំផ្នែកស្មារតី ក្នុងការចេះយោគយល់គ្នាការអនុគ្រោះ មិត្តភាពសន្តិភាពរវាងគ្នានឹងគ្នានិភាតរភាពជាសកល
• ទទួលបាននូវឱកាសនៃការចូលរួមក្នុងសកម្មភាពក្នុងសង្គម និងទទួលបានការលើកទឹកចិត្ត ក្នុងការបង្កើតស្នាដៃ ។