វិញ្ញាសា វប្បធម៌ទូទៅ អរិយាធម៌ខ្មែរគ្រប់ភូមិសិក្សា ( វិញ្ញាសាទី ៧៣ )

សំណួរ​

១. តើកង្វក់លើបញ្ហាបួនយ៉ាងរបស់មនុស្សជាតិលើពិភពលោកនោះគឺមកពីអ្វីខ្លះ ?

២. នៅទីក្រុង ខ្យល់អាកាសត្រូវបំពុល តើលារបំពុលនេះមានប្រភពមកពីណា ?

៣. តើការបំពុលខ្យល់មានផលវិបាកយ៉ាងណាខ្លះ ?

៤. តើត្រូវធ្វើដូចម្ដេច ដើម្បីកាត់បន្ថយការបំពុលនេះ ?

៥. ការដាំរុក្ខជាតិលំអរជាអ្វី ? ការដាំរុក្ខជាតិលំអរមានអត្ថប្រយោជន៍អ្វីខ្លះដល់មនុស្ស ?

ចម្លើយ​

១. កង្វល់លើបញ្ហាបួនយ៉ាងរបស់មនុស្សជាតិលើពិភពលោកនោះគឹមកពី ៖

• បញ្ហាបរិស្ថាន
• បញ្ហាច្របូកច្របល់ខាងសីលធម៌
• បញ្ហារីកសាយនៃសព្វាវុធទំនើបៗ
• បញ្ហារោគសង្គម
• បញ្ហារាតត្បាតនៃជំងឺអេដស៍
• បញ្ហាកំណើនមនុស្សលើពិភពលោក ។

២. នៅទីក្រុងខ្យល់អាកាសត្រូវបំពុលនះមានប្រភពមកពី ៖

• ផ្សេងរោងចក្រ
• ផ្សេងរថយន្ដ
• កាកសំណល់ស្អុយ ប្រព័ន្ធគ្មានគំរប
• កាកសំណល់រោងចក្រ
• សារធាតុគីមី និងឧស្ម័ន
• ធូលី ....។

៣. ការបំពុលខ្យល់មានផលវិបាកដូចជា ៖

• ខូចប្រព័ន្ធដង្ហើម ខូចសុខភាព សួត បំពង់ដង្ហើម ជំងឺសើស្បែក ភ្នែក ខួរក្បាល
• បំផ្លាញស្រទាប់អូសូន
• បំផ្លាញបរិស្ថាន ។

៤. ដើម្បីកាត់បន្ថយការបំពុលនេះត្រូវ ៖

• សង់រោងចក្រឪ្យនៅឆ្ងាយពីទីក្រុង
• ដឹកសំរាមចេញពីក្រុង សំអាតទីក្រុង បង្កើតរោងចក្រ បំផ្លែងសំរាម ទៅជារបស់ប្រើប្រាស់
• អប់រំចំណេះដឹងអំពីការរក្សាបរិស្ថាន
• ប្រើប្រាស់យានយន្ដស្របតាមបច្ចេកទេស
• ទឹកសំបូរបែប មានអនាម័យ តម្លៃទាប
• មាសនទំនួលខុសត្រូវមានស្មារតីភ្ញាក់រលឹក
• កាត់បន្ថយការប្រើប្រាស់សារធាតុគីមីបំពុល
• វិធានការច្បាប់ចំពោះអ្នកបំពុលខ្យល់ ។

៥. ការដាំរុក្ខជាតិលំអ គឺជាសិល្បៈនៃការតែងលំអដោយរុក្ខជាតិស្លឹក និងផ្កាក្នុងគោលបំណងធ្វើឪ្យបរិវេណជុំវិញផ្ទះ និងកន្លែងផ្សេងទៀតនៅក្នុងផ្ទះមានសោភ័ណ្ឌភាព ។ រុក្ខជាតិជួយបន្ថែមសម្រស់ទីធ្លា និងគេហដ្ឋាន ។ ផ្កាមានគួរជាទីពេញចិត្ត រុក្ខជាតិគ្មានផ្កាអាចផ្តល់សម្រស់តាមផ្នែកផ្សេងៗទៀតដូចជាស្លឹក និងដើម ។

+ សារប្រយោជន៍នៃការដាំរុក្ខជាតិលំអមានដូចជា ៖

• ធ្វើឪ្យគេហដ្ឋាននិងបរិស្ថានជុំវិញមានសោភ័ណ្ឌគួរឪ្យចង់រស់នៅ
• លើកកំពស់តម្លៃសម្បត្តិធម្មជាតិ និងជួយរក្សាបរិស្ថាន
• ជាសកម្មភាពប្រកបដោយអត្ដន័យសម្រាប់សមាជិក គ្រួសារ នៅពេលទំនេរពីការងារមួយចំនួន
• ធ្វើឪ្យមានផាសុកភាពដោយបរិវេណជុំវិញផ្តះត្រជាក់ និងរក្សាបានលំនឹងអុកស៊ីសែន ។