វិញ្ញាសាវប្បធម៌ទូទៅសម្រាប់ត្រៀមប្រឡងពេទ្យ (វិញ្ញាសាទី២៩)

សំណួរ

១. តើការបង្ការស្តង់ដារមានប៉ុន្មានភេទ ? អ្វីខ្លះ ?

២. ការបង្ការបន្ថែមមានប៉ុន្មាន ? អ្វីខ្លះ ?

៣. តើគិលានុបដ្ឋាកត្រូវធ្វើដូចម្តេច ការថែទាំមុនពេលវៈកាត់ ?

៤. គោលការនៃការគ្រប់គ្រងសំណល់មានអ្វីខ្លះ ?

៥. ដូចម្តេចដែលហៅថាសំណល់វេជ្ជសាស្រ្ត ? តើមានប៉ុន្មានប្រភេទ ?

ចម្លើយ

១. ការបង្ការស្តង់ដារមានប្រាំមួយប្រភេទគឺ ៖

• អនាម័យ
• ការប្រើប្រាស់សម្ភារៈការពារខ្លួនសមស្រប
• ការសម្លាប់មេរោគនឹងស្តេរីល
• ការសម្អាតបរិស្ថាន
• ការបបង្ហាញការចម្លងរោគដោយការមុតម្ជុល និងវត្ថុមុតស្រួច
• ការគ្រប់គ្រងសំណល់ពីសេវាថែទាំវេជ្ជសាស្រ្ត ។

២. ការបង្ការបន្ថែមមានបីប្រភេទ ៖

• ការបង្ការការឆ្លងដោយការប៉ះពាល់
• ការង្ការការឆ្លងដោយដំណក់តូចៗ
• ការបង្ការការឆ្លងតាមខ្យល់ ។

៣. គិលានុបដ្ឋាកត្រូវធ្វើការថែទាំមុនពេលវៈកាត់មានដូចជា ៖

• ត្រួតពិនិត្យសំនុំឯកសារពីការងារដែលមានបន្ថែម និងត្រួតពិនិត្យមើលលទ្ធផលខាង
• មន្ទីរពិសោធន៍តើគ្រប់ឬនៅនិងប្រមូលលទ្ធផលមន្ទីរពិសោធន៍
• រៀបចំឯកសារយល់ព្រមទទួលវៈកាត់
• រក្សាអនាម័យរបស់អ្នកជម្ងឺ
• ផ្តល់ការថែទាំស្បែកជាពិសេសអនាម័យអ្នកជម្ងឺ
• បង្រៀនផ្សេងៗដូចជាលំហាត់ប្រាណដកដង្ហើមជ្រៅៗ ការក្អក និងលំហាត់ប្រាណជើង ការគ្រប់គ្រងការឈឺចាប់ ការតមចំនីអាហារផ្សេងៗ
• លើកទឹកចិត្ត កាត់បន្ថយភាពភ័យខ្លាចនិងការថបបារម្ភ
• ផ្តល់ការគាំទ្រផ្លូវចិត្តនិងការថបនារម្ភ
• បង្រៀនអ្នកជម្ងឺនិងក្រុមគ្រួសារ ។

៤. គោលការនៃការគ្រប់គ្រងសំណល់មានបួនចំណុចដូចជា ៖

• ការញែកប្រភេទសំណល់
• ការចាត់ចែងប្រមូលសំណល់
• ការទុកដាក់បណ្តោះអាសន្ន
• ការបោះចោលចុងក្រោយ (ដុតរំលាយលើសពី៨០០អង្សាឬការកប់) ។

៥. សំណល់វេជ្ជសាស្រ្ត ជាសំណល់ដែលផលិតចេញពីមូលដ្ឋានព្យាបាលនិងថែទាំសុខភាពដែលបង្ករគ្រោះថ្នាក់ឬបណ្តាលឱ្យឆ្លងជម្ងឺដែលមានដូចជា ជាលិកាមនុស្ស ឈាម វត្ថុរាវ សរីរាង្គកាយ ផលិតផលឳសថ ម្ជុលឬវត្ថុមុតស្រួចជាដើម ។

សំណល់វេជ្ជសាស្ត្រមានប្រាំបួនប្រភេទ ៖

• សំណល់ឆ្លងរោគ (លឿនសញ្ញាពណ៍ខ្មៅ)
• សំណល់សរីរាង្គ (លឿងសញ្ញាពណ៍ក្រហម)
• សំណល់មុតស្រួច
• សំណល់ឳសថ (ក្រហមសញ្ញាពណ៍ក្រហម)
• សំណល់គីមី (ក្រហមសញ្ញាពណ៍ក្រហម)
• សំណល់ដែលមានជាតិលោហៈធ្ងន់
• សំណល់ពុលដល់ហ្សែន (ក្រហម សញ្ញាពណ៍ក្រហម)
• សំណល់វិទ្យុសកម្ម (ក្រហមសញ្ញាពណ៍ខ្មៅ)
• ធុងកំប៉ុងដែលមានសម្ពោធ (បៃតងសញ្ញាពណ៍ក្រហម) ។