វិញ្ញាសាវប្បធម៌ទូទៅសម្រាប់ត្រៀមប្រឡងពេទ្យ (វិញ្ញាសាទី៣០)

សំណួរ

១. តើសំណល់ពីការថែទាំវេជ្ជសាស្រ្តគឺជាអ្វី ? មានអ្វីខ្លះ ? ប៉ុន្មានភាគរយ ?

២. តើនៅប្រទេសកម្ពុជាភ្នំដែលខ្ពស់មានអ្វីខ្លះ ?

៣. តើដែនជម្រកសត្វព្រៃនៅកម្ពុជាមានអ្វីខ្លះ ?

៤. តើតួនាទីនិងមុខងារគិលានុបដ្ឋាកយិការមានអ្វីខ្លះ ?

៥. តើគោលការណ៍ទាំងបួនសម្រាប់ការសំអាត និងការថែទាំជាមូលដ្ឋានមានអ្វីខ្លះ ?

ចម្លើយ

១. សំណល់ពីការថែទាំវេជ្ជសាស្រ្តមានរួមមាន ៖ សំណល់ទាំងឡាយណាដែលចេញពីមូលដ្ឋានព្យាបាលនឹងថែទាំសុខភាពដែលរួមទីកន្លែងស្រាវជ្រាវ នឹងមន្ទីរពិសោធន៌ផងដែរ ។ សំណល់ពីរការថែទាំវេជ្ជសាស្រ្តមានពីរប្រភេទគឺសំណល់ទូទៅមាន៨០% និងសំណល់វេជ្ជសាស្រ្តមាន២០% ។

២. ភ្នំដែលខ្ពស់នៅកម្ពុជាមានដូចជា ៖

• ភ្នំឳរ៉ាល (កម្ពស់ ១៨១៣ម៉ែត្រ នៅខេត្តកំពង់ស្តឺ)
• ភ្នំសំកុស (កម្ពស់ ១៧១៧ម៉ែត្រ នៅខេត្តពោធិ៍សាត់)
• ភ្នំក្រពាំង (កម្ពស់ ១៧១១ម៉ែត្រ នៅខេត្តពោធិ៍សាត់)
• ភ្នំខ្នងត្រពែង (កម្ពស់ ១២១៣ម៉ែត្រ នៅខេត្តកោះកុង)
• ភ្នំបូកគោ (កម្ពស់ ១០៨០ម៉ែត្រ នៅខេត្តកំពត) ។

៣. ដែនជម្រកសត្វព្រៃនៅកម្ពុជាមានដូចជា ៖

• ភ្នំឳរ៉ាល់ ៖ ស្ថិតក្នុងខេត្តកោះកុងពោធិ៍សាត់ កំពង់ឆ្នាំង មានផ្ទៃដី ២៥៣ ៧៥០ហិចតា ។
• ពាមក្រសោប ៖ ស្ថិតក្នុងខេត្តកោះកុងមានផ្ទៃដី ២៣ ៧៥០ហិចតា ។ តំបន់នេះសម្បូរសត្វស្លាប ។
• ភ្នំសំកុស ៖ស្ថិតក្នុងកោះកុង មានផ្ទៃដី ៣៣៣ ៧៥០ហិចតា ។ តំបន់នេះមានដំរី
• រនាមដូសំ ៖ ស្ថិតក្នុងខេត្តបាត់ដំបង​មានផ្ទៃដី ១៧៨ ៧៥០ហិចតា ។
• គូលែនភ្នំទេព ៖ ស្ថិតក្នុងខេត្តសៀមរាបនិងខេត្តព្រះវិហារ មានផ្ទៃដី ៤០២ ៥០០ហិចតា ។
• បឹងពេរ ៖ ស្ថិតក្នុងខេត្តកំពង់ធំ មានផ្ទៃដី២៤២ ៥០០ហិចតា ។
• លំផាត់ ៖ ស្ថិតក្នុងខេត្តរតនៈគិរី និងខេត្តមណ្ឌលគិរី មានផ្ទៃដី​២៥០ ០០០ហិចតា ។ តំបន់នេះសម្បូរ ខ្ទីង និងទន្សោង ។
• ភ្នំណាមលៀត ៖ ស្ថិតក្នុងខេត្តមណ្ឌលគិរីមានផ្ទៃដី ៤៧ ៥០០ហិចតា ។ តំបន់នេះមានដំរី ខ្លា និងប្រភេទសត្វស្លាបព្រៃភ្នំជាច្រើនប្រភេទ ។
• ភ្នំព្រេច ៖ ស្ថិតក្នុងខេត្តមណ្ឌលគិរី និងខេត្តក្រចេះ មានផ្ទៃដី ២២២ ៥០០ហិចតា ។ តំបន់មានគោព្រៃ ។
• ស្នូល ៖ស្ថិតក្នុងខេត្តក្រចេះ មានផ្ទៃដី ៧៥០០០ហិចតា
• ព្រៃឡង់ ។

៤. តួនាទីនិងមុខងារគិលានុបដ្ឋាកយិការមានដូចជា ៖

• ផ្តល់ការថែទាំ
• ជាអ្នកការពារ និងជាមេធាវីរបស់អតិថិជន
• ជាអ្នកជួយស្តារលទ្ធភាព
• ជាគ្រូបង្រៀន
• ធ្វើសេចក្តីសម្រេចចិត្ត
• ចាត់ចែងគ្រប់គ្រង
• ជាទីប្រឹក្សាដ៏ចំណាន ។

៥. គោលការណ៍ទាំងបួន សម្រាប់ការសំអាត និងការថែទាំជាមួយដ្ឋានមានដូចជា ៖

• ផាសុកភាព
• ប្រសិទ្ធភាព
• ភាពមិនខ្ជះខ្ជាយ ។