តើបុណ្យកឋិនមានរយៈពេលប៉ុន្មានថ្ងៃ ? ហើយចាប់ផ្តើមពីថ្ងៃណា ខែណាដល់ថ្ងៃណាខែណា ? ចូរបង្ហាញលក្ខណៈពិសេសរបស់បុណ្យកឋិន ?

បុណ្យកឋិន ជាកុសលដែលធ្វើឡើងដោយនាំសំពត់ ចីវរទៅប្រគេនព្រះសង្ឃ ដែលបានគង់ចាំព្រះវស្សាអស់កាលត្រៃមាសក្នុងអាវាសណាមួយ ។ បុណ្យកឋិនមានរយៈកាល ២៩ថ្ងៃ គឺចាប់ពីថ្ងៃ ១រោច ខែអស្សុជ ដល់ ថ្ងៃ ១៥កើត ខែកក្តិក ។ លក្ខណៈពិសេសរបស់កឋិនទានគឺមានដូចតទៅ ៖

• មិនអាចធ្វើបានរាល់ថ្ងៃរាល់ខែបានទេគឺក្នុងមួយឆ្នាំមួយវត្តធ្វើក្នុងថ្ងៃណាក៏បានឱ្យតែស្ថិតនៅក្នុងរដូវកាលកឋិន ។
• វត្ថុគឺសំពត់ដែលជាកឋិនវត្ថុ បានតែស្បង់ ឬចីវរ ឬសង្ឃដី ក្រៅពីនេះពុំបានសូម្បីតែវត្ថុទាំងបីរួមគ្នាក៏ពុំបានដែរ ។
• អ្នកធ្វើ និងសង្ឃក្រាលគ្រង គប្បីធ្វើឱ្យបានត្រឹមត្រូវតាមវិន័យបញ្ញត្តិ ។
• បុគ្គលអ្នកធ្វើបានអានិសង្ឃប្រាំយ៉ាងមានចែងក្នុងវិន័យបិដកភាគ៩ ។
• អ្នកទទួលបានតែភិក្ខុ ក្រៅពីនេះពុំបានទេហើយភិក្ខុនោះលុះត្រាតែបាននៅចាំព្រះវស្សាអស់កាលបីខែទើបបាន ។