ហេតុអ្វីបានជាគេថាវិស័យទេសចរណ៍ ជាឧស្សាហកម្មគ្មានផ្សែង ?

បានជាគេថាវិស័យទេសចរណ៍ជាឧស្សាហកម្មគ្មានផ្សែងព្រោះចំណូលដែលបានមកពីទេសចរណ៍ត្រូវបានបញ្ចូលភ្លាមៗទៅក្នុងចរន្តសេដ្ឋកិច្ចជាតិរួមចំណែកជំរុញកំណើនផលិតតផលស្រុកសរុបនិងធ្វើឱ្យមានលំនឹងផ្នែកជញ្ជីងពាណិជ្ជកម្ម ។ ហេតុនេះហើយបានជារដ្ឋាភិបាលប្រទេសនានានៅលើពិភពលោកខិតខំអភិវឌ្ឍវិស័យនេះយ៉ាងខ្លាំងក្លា ។ ក្នុងវិន័យនេះហើយបានជាគេហៅ វិស័យទេសចរណ៍ថា “ឧស្សាហកម្មគ្មានផ្សែង” ។

បានជាគេនិយាយថា វិស័យទេសចរណ៍ ជាឧស្សាហកម្មគ្មានផ្សែងព្រោះវិស័យនេះបានរួមចំណែកយ៉ាងសំខាន់ដល់កំណើនថវិកាជាតិ និងបង្កើតការងារដល់ប្រជាជនតាមរយៈ៖

• សណ្ឋាគារ និងផ្ទះសំណាក់
• ផ្ទះសម្បែងប្រជាជនតាមមូលដ្ឋានបែបប្រពៃណី
• មធ្យោបាយដឹកជញ្ជូនធម្មតា៖ រថយន្ត កង់បី ម៉ូតូឌុប ទូក កប៉ាល់ រថភ្លើង យន្តហោះ
• មធ្យោបាយដឹកជញ្ជូនបែបបុរាណ៖ កង់ រទេះគោ រទេះសេះ ដំរី...
• ភោជនីយដ្ឋាន តូបលក់ចំណីអាហារ...
• ការលក់ដូរវត្ថុអនុស្សាវរីយ៍
• សារមន្ទីរ ភូមិវប្បធម៌
• មគ្គុទេសក៍ទេសចរជំរុញការងារកសិកម្មសម្រាប់ផ្គត់ផ្គង់ភោជនីយដ្ឋាន
• ជំរុញការងារសិប្បកម្ម ។

សន្និដ្ឋាន៖ ជារួមវិស័យទេសចរណ៍ធ្វើឲ្យប្រជាជនមានការងារធ្វើ ហើយប្រាក់ចំណូលពីវិស័យទេសចរណ៍ត្រូវបានបញ្ចូលភ្លាមៗទៅក្នុងចរន្តសេដ្ឋកិច្ចជាតិ រួមចំណែកបង្កើនផលិតផលក្នុងស្រុក កាត់បន្ថយភាពក្រីក្រ ធ្វើឱ្យមានលំនឹងជញ្ជីងពាណិជ្ជកម្ម  ។  ក្នុងន័យនេះហើយ ទើបគេថាវិស័យទេសចរណ៍ជាឧស្សាហកម្មគ្មានផ្សែង ។