គ្រួសារជាអ្វី ? ចែកចេញជាប្រភេទអ្វីខ្លះ ?

គ្រួសារ ជាកោសិការស់នៃសង្គម ។ គ្រួសារជាអ្នកធានារ៉ាប់រងបង្កបង្កើតជានិរន្តន៍នូវពុជមនុស្ស ។ គ្រួសារជាអ្នកបង្កើតជីវីតភូមិវិទ្យានិងប្រវត្តិវិទ្យានៃមនុស្សជាតិ ។

                   ប្រភេទនៃគ្រួសារគេសង្កេតឃើញមានៈ

• គ្រួសារជាបក្សសម្ព័ន្ធនៃតូគឹមៈ ដែលជាគ្រួសារប្រភេទបុរាណជាងគេបំផុត ។ សមាជិកនៃបក្សសម្ព័ន្ធ ឬសង្គមគ្រួសារនេះមិនមែនស្ថិតនៅលើចំណងឈាមជាមួយគ្នាទេ តែនលើចំណងឧត្តមគតិសុទ្ធសាធ ។ ប៉ុន្តែចំណងគ្រួសារ នេះមានឥទ្ធិពលខ្លាំងក្លាជាចំណងសាច់សាលោហិត និងចំណងគ្រួសារទៅទៀត ។
• គ្រួសាររបបម្តាយៈ គេប្រគល់ឲ្យអំណាចត្រួតត្រាក្នុងគ្រួសារទៅឲ្យម្តាយគ្រប់គ្រង ។ គ្រួសារប្រភេទនេះគេយល់ថាម្តាយ គឺជាអ្នកបង្កើតវង្សត្រកូល ។
• គ្រួសាររបបឪពុកៈ គេប្រគល់អំណាចត្រួតត្រាក្នុងគ្រួសារទៅឲ្យឪពុកព្រោះគេយល់ថាឪពុកគឺជាអ្នកបង្កើតវង្សត្រកូល ។
• គ្រួសារប្តីប្រពន្ធៈ គឺគ្រួសារបច្ចុប្បន្នជាប្រភេទគ្រួសារទំនើបដែលរួមមានឪពុកម្តាយ និងកូនមិនទាន់ពេញវ័យ ។