ភាពជឿនលឿននៃបច្ចេកវិទ្យា អាចនាំឲ្យមានភាពច្របូកច្របលអសន្តិសុខ ការភ័យខ្លាចនាំឲ្យសង្គម និងនាំឲ្យប៉ះពាល់ដល់ជីវៈភាពមនុស្សទូទៅ ។ មនុស្សខ្លះមិនគោរពតម្លៃសីលធម៌ទេ តើវិទ្យាសាស្រ្តដែលខ្វះមនសិការឬខ្វះសីលធម៌នាំឲ្យវិនាសដល់មនុស្សទូទៅយ៉ាងដូចម្តេច ?
វិទ្យាសាស្រ្ត ជារបកគំហើញនៃទំនាក់ទំនងដែលមាននៅក្នុងពិភពតថៈទទួលស្គាល់អ្វីដែលមាន
វិទ្យាសាស្រ្តដែលខ្វះមនសិការឬខ្វះសីលធម៌ ឬខ្វះការវិនិច្ឆ័យនាំឲ្យវិនាសដល់មនុស្សទូទៅពីព្រោះ
- វិទ្យាសាស្រ្តជាមធ្យោបាយធ្វើឲ្យលូតលាស់តាមផ្លូវសម្ភារៈដើម្បីស្វែងរកគោគទ្រព្យ បែរជាឲ្យមនុស្សមានមហិច្ឆតាលោភលន់ពុំចេះចប់
- វិទ្យាសាស្រ្តជាមធ្យោបាយសង្កត់សង្កិនអ្នកទន់ខ្សោយ គ្រប់ប្រភេទក្នុងសកលលោក
- ការរីកចម្រើននៃវិទ្យាសាស្រ្តគំរាមកំហែងពិភពលោកគួរឲ្យតកស្លុត
- មនុស្សរងគ្រោះច្រើនដោយសារតែមនុស្សយកវិទ្យាសាស្រ្តទៅបម្រើតែផលប្រយោជន៍ផ្ទាល់ខ្លួន សម្រាប់គំរាមកំហែងអ្នកទន់ខ្សោយ វិទ្យាសាស្ត្រនិងក្លាយទៅជាអាវុធប្រល័យលោកយ៉ាងប្រាកដ និងក្លាយទៅជាពិសពុលប្រហារជីវីតមនុស្សជាតិដូចជា៖
- ករណីដែលគេយកអាវុធមីស៊ីលទៅប្រហារជីវីតគូសត្រូវ ដើម្បីដោះស្រាយបញ្ហាដែលគេចង់បាន
- គរណីគ្រូពេទ្យចិញ្ចឹមអ្នកជម្ងឺ
- ករណីអ្នកលក់ថ្នាំពេទ្យបន់ឲ្យមនុស្សឈឺ ព្រមទាំងហ៊ានប្រើមធ្យោបាយឧក្រិដ្ឋដើម្បីធ្វើឲ្យមនុស្សឈឺច្រើន
- ទង្វើទាំងអស់នេះដែលយើងមិនអាចនិយាយបានថាសុទ្ធសឹងជាអំពើអមនុស្សធម៌ខ្លាំងណាស់ក្បត់នឹងសីលធម៌មនុស្សលោក ក្បត់ពាក្យសម្បថក្រមសីលធម៌វិជ្ជាជីវៈរបស់ខ្លួន ។ ដូចនេះវិទ្យាសាស្ត្រដែលខ្វះសីលធម៌ពិតជាបង្កវិនាសសកម្មហិនហោចដល់មនុស្សជាតិយ៉ាងប្រាកដ ។ យើងពុំប្រឆាំងដាច់ខាតតេចំពោះការរីកចម្រើននៃវិទ្យាសាស្រ្តទេ យើងយល់ស្របតែវិទ្យាសាស្រ្តណាដែលដឹកនាំមនុស្សទៅរកការរីកចម្រើន សេចក្តីសុខ សុភមង្គល និងសន្តិភាព ។
