ហេតុដូចម្តេចបានជាគេចាំបាច់ដាក់ផ្កា និងទៀនធូបនៅក្នុងដៃសព ?

នៅពេលដែលមានមនុសុ្សស្លាប់គេតែងដាក់នៅក្នុង ដៃសាកសព នៅ ផ្កា ទៀន និងធូបជាដរាប។ គេធ្វើបែបនេះ គឺមានជំនឿតាមរឿងដំណាលជា ៖

មានភិក្ខុមួយអង្គ មានឪពុកជាអ្នកប្រកបរបបជាព្រានព្រៃ សម្លាប់សត្វច្រើនណាស់ តាំងពីក្មេងរហូតមកដល់ចាស់។ នៅពេលជិតស្លាប់ គាត់ភ្លឹកស្មារតីទៅឃើញសត្វដែលគាត់បានសម្លាប់ដោយអកុសលចិត្ត ក៏ស្រែកឱ្យកូនជាភិក្ខុនោះជួយ។

ព្រះភិក្ខុដឹងថាឪពុករបស់ខ្លួនមានកម្មច្រើន ពេលភ្លឹកទៅឃើញតែសត្វធាតុដូចនេះ ទើបចាប់ឱ្យគេរកផ្កា ទៀន និងធូបយកមក ដាក់ក្នុងដៃឪពុក រួចប្រាប់ថា “ញោមប្រុស ខំសំលឹងមើលផ្កា ទៀន និងធូបជាគ្រឿងបូជា ព្រះរតនត្រៃយ៍នេះឱ្យជាប់”។

ពោមប្រុស (ឪពុក) នៃភិក្ខុនោះកើតសទ្ធាជ្រះថ្លាមាន ចិត្តជាកុសលក៏ធ្វើតាមពា្យរបស់កូន។

ដោយសារមូលហេតុនេះហើយ បានជាមនុស្សជំនាន់ ក្រោយធ្វើតាមតៗគ្នា ដោយមានបំណងឱ្យអ្នកជំងឺ ឬបុគ្គល អ្នកស្លាប់យកគុណព្រះរតនត្រៃយ៍ ព្រះពុទ្ធ ព្រះធម៌ ព្រះសង្ឃជាទីពឹងពាក់អាស្រ័យ។