សំណួរ-ចម្លើយ ជំពូកទី២ ការតាក់តែងលិខិតរដ្ឋបាល (ភាគ៩)

សំណួរ

៤១- ការបំពេញខ្លឹមសារនៃក្រដាសតូចចែកចេញជាអ្វីខ្លះ ?

៤២- តើក្រដាសតូចមានគំរូដូចម្តេចទៅ ?

៤៣- តើ Bloc note មានគំរូដូចម្តេចទៅ ?

៤៤- តើសាលកបត្រមានគំរូដូចម្តេចទៅ ?

៤៥- អ្វីទៅជារបាយការណ៍ ?

ចម្លើយ

៤១- ការបំពេញខ្លឹមសារនៃក្រដាសតូចចែកចេញដូចជា ៖

            ១- កម្មវត្ថុ ៖ គេសរសេរកម្ម​វត្ថុឲ្យបានខ្លីច្បាស់លាស់ ងាយយល់ ។

            ឧទាហរណ៍ ៖ បើសំណុំឯកសារស្នើសុំគោលការណ៍ ដើម្បីចុះស្រាវជ្រាវនិស្សិតក្រីក្រក្នុងកម្មវត្ថុនៃក្រដាសតូច ត្រូវសរសេរថា “ ករណីសំណើរសុំអនុញ្ញាតគោលការណ៍ដើម្បីចុះស្រាវជ្រាវនិស្សិត ក្រីក្រឈ្មោះ..........នៅខេត្តកំពង់ចាម ” ។

            ២- ដើម្បី ៖ ត្រង់កន្លែង “ ដើម្បី ” នេះលេខា ឬនាយកខុទ្ធកាល័យ ត្រូវសរសេរថាសូមពិនិត្យ និងសម្រេចដ៏ខ្ពង់ខ្ពស់ ។

            ក្រៅពីនេះ ត្រង់កន្លែងដើម្បីនេះ គេអាចសរសេរថា “ សូមជូនជ្រាបដ៏ខ្ពង់ខ្ពស់ ” ឬ “ សូមសម្រេចហត្ថលេខា ”  តាមសាច់រឿងនៃសំណុំរឿង ។

            កំណត់ចំណាំ

            ករណីរឿងស្មុគស្មាញគេប្រើសាលកបត្រសរសេរមតិយោបល់ជូនថ្នាក់ដឹកនាំ ។ បើសំណុំរឿងមិនមានការស្មុគស្មាញទេ គេប្រើក្រដាសតូច ។ នៅលើសាលកបត្រ គេអាចធ្វើសេចក្តីសង្ខេបនៃសំណុំរឿង ឬធ្វើគំនូសបំព្រួញខ្លីច្បាស់លាស់ ដើម្បីថ្នាក់ដឹកនាំងាយស្រួលក្តាប់បញ្ហាសំខាន់ៗ នៃសំណុំរឿង​។ តាមធម្មតាសាលកបត្រមានទំហំប៉ុនគ្នា នឹងប្លុកណោត (Bloc note) ។

            គេអាចធ្វើសេចក្តីសង្ខេបខ្លឹមសារនៃសាលាប័ត្រ ដោយដកស្រង់ចេញពីខ្លឹមសារលិខិតដើមលិខិតភ្ជាប់នានា និងរឿងរ៉ាវផ្សេងៗទៀត ដែលមានការពាក់ព័ន្ធ ។

៤២- គំរូក្រដាសតូច

                                                                                     ព្រះរាជាណាចក្រកម្ពុជា

                                                                                 ជាតិ សាសនា ព្រះមហាក្សត្រ

Logo

.............................                                                            

.............................

                                                                                          សូមគោរពជូន

                                                                                 ឯកឧត្តម...........................

            កម្មវត្ថុ ៖ ..................................................................................................................................................

                          ..................................................................................................................................................

                          .....................................................................................................................................។

            ដើម្បី ៖ ........................................................................................................................................។

                                                                                                                           ដោយគោរពដ៏ខ្ពង់ខ្ពស់

​                                                                                                                រាជធានីភ្នំពេញ ថ្ងៃទី.....ខែ......ឆ្នាំ.........

                                                                                                                    ជំនួយការ ឬនាយកខុទ្ទកាល័យ

៤៣- គំរូ Bloc note

                                                                                     ព្រះរាជាណាចក្រកម្ពុជា

                                                                                 ជាតិ សាសនា ព្រះមហាក្សត្រ

Logo

សាកលវិទ្យាល័យ.......                                                       

................................

                                                                                          សូមគោរពជូន

                                                                                ឯកឧត្តម...........................

            កម្មវត្ថុ ៖ ករណីឈ្មោះ ចាន់ ផេង គោរពស្នើសុំអាហារូបករណ៍ ថ្នាក់បរិញ្ញាបត្រ គណនេយ្យ

  ១កន្លែង ។

            តាមកម្មវត្ថុខាងលើ ខ្ញុំបាទសូមជម្រាបជូនឯកឧត្តម ដោយក្តីគោរពថា ឈ្មោះ ចាន់ ផេង ទើបប្រលងជាប់បាក់ឌុប ឆ្នាំ២០១៨ ជាកូនកំព្រាឪពុកម្តាយ រស់នៅ ឃុំរាយប៉ាយ ស្រុកកងមាស ខេត្តកំពង់ចាម ។ តាមការពិនិត្យជាក់ស្តែង និងការបង្ហាញរបស់មតិជំនាញពិតជាសមហេតុផល ។

            ខ្ញុំបាទយល់ថា គួរឯកភពតាមមតិជំនាញ ។

                                                                                                                          ដោយគោរពដ៏ខ្ពង់ខ្ពស់បំផុត

                                                                                                                  រាជធានីភ្នំពេញ ថ្ងៃទី.....ខែ......ឆ្នាំ.........

                                                                                                                                        ជំនួយការ

៤៤- គំរូនៃសាលកបត្រ

                                                                                    ព្រះរាជាណាចក្រកម្ពុជា

                                                                                 ជាតិ សាសនា ព្រះមហាក្សត្រ

Logo

សាកលវិទ្យាល័យ.......                                                       

លេខាធិការដ្ឋាន

                                                                                             សូមគោរពជូន

                                                                                    ឯកឧត្តម...........................

ខ្ញុំបាទសូមជម្រាបជូនឯកឧត្តម ដោយក្តីគោរពថា ឈ្មោះ ចាន់ ផេង បានគោរពស្នើសុំអាហារូបករណ៍ ថ្នាក់បរិញ្ញាបត្រ គណនេយ្យ ១កន្លែង ។ ឈ្មោះនេះ ទើបប្រឡងជាប់បាក់ឌុប ឆ្នាំ២០១៨  ជាកូនកំព្រាឪពុកម្តាយ បច្ចុប្បន្នរស់នៅជាមួយជីដូនចាស់ជរា នៅ ឃុំរាយប៉ាយ ស្រុកកងមាស​ ខេត្តកំពង់ចាម ។ តាមការពិនិត្យជាក់ស្តែង និងការបង្ហាញរបស់មតិជំនាញពិតជាសមហេតុផល ។

             ខ្ញុំបាទយល់ថា គួរឯកភាពតាមមតិជំនាញ ។

                                                                                                                          ដោយគោរពដ៏ខ្ពង់ខ្ពស់បំផុត

                                                                                                                  រាជធានីភ្នំពេញ ថ្ងៃទី.....ខែ......ឆ្នាំ.........

                                                                                                                                        ជំនួយការ

៤៥- របាយការណ៍ គឺជាការគ្រប់គ្រងការងារ​ គ្រប់ស្ថាប័ន អង្គភាពនានា ទាមទារឲ្យមានរបបប្រជុំ និងធ្វើរបាយការណ៍ចាប្រចាំ ។ ថ្នាក់ដឹកនាំអង្គភាព​ស្ថាប័ននានា ផ្អែកលើរបាយការណ៍ថ្នាក់ក្រោម និងផ្អែកលើព័ត៌មានដែលក្តាប់បានជាក់ស្តែង​ ដើម្បីធ្វើការណែនាំ និងលើកទិសដៅឲ្យថ្នាក់ក្រោមអនុវត្តន៍បន្ត ។

             ដូច្នេះការធ្វើរបាយការណ៍ គឺជាការចាំបាច់ណាស់ ។

តភាគ