រៀបរាប់អំពីនានាភាពនៃសុភាសិត ៖
សុភាសិតតបកស្រាយពីការលោភលន់
- ឆ្កែនិងអាចម៍ ស្តេចនិងរាជ្យ
- ជន្លេនមិនដែលខ្ពើមដី មន្រ្តីមិនខ្ពើមមាស
- ទន្លេដប់ មិនស្កប់សមុទ្ទមួយ...។
សុភាសិតបកស្រាយពីការបេះបោរផ្លូវចិត្ត
- អ្នកមានកុំអាលអរ គេក្រកុំអាលសើច
- មានមិនដែលបីត ក្រមិនដែលបីជាន់
- កុំឃើញខ្លាក្រាប ថាខ្លាសំពះ
- កើតមកមួយជាតិ ធាតុតែមួយកោដ្ឋ...
សុភាសិតបកស្រាយពីសាមគ្គីភាពផ្ទៃក្នុង
- ចង្គឹះមួយបាច់ កាច់មិនបាក់
- សម្តីសជាតិ មារយាទសពូជ
- សូវស្លាប់ខ្លួនចុះ កុំឲ្យស្លាប់ជាតិ ... ។
សុភាសិតបកស្រាយពីការព្យាយាម
- តក់ៗពេញបំពង់ ឆុងៗរលុងឃែត
- សឹមៗកុំបំបោល ក្រែងពុំដល់ដូចប្រាថ្នា
- ប្រញាប់ដេកផ្លូវ សូវៗដេកផ្ទះ....។
សុភាសិតបកស្រាយពីបញ្ហាកសិកម្ម
- ធ្វើស្រែនិងទឹក ធ្វើសឹកនិងបាយ
- ធ្វើស្រែឲ្យមើលស្មៅ ទុកដាក់កូនចៅមើលផៅពូជសណ្តាន
- ចូរកុំដាក់ស្រូវនៅផ្លូវដំរី....។
សុភាសិតបកស្រាយលើការអប់រំ
- ចេះដប់ មិនស្មើប្រសប់មួយ
- ចេះឯ ឲ្យក្រែងចេះគេ
- គ្រូកាច សិស្សខូច
- ជាងមិនកើត បន្ទោសដែក...។
សុភាសិតបកស្រាយពីកង្វះលំនឹងអាជីវកម្ម
- កុំចាក់អង្ករ យកអង្កាម
- ចាប់នេះ ចាប់នោះ មិនឆ្ពោះត្រង់ណា
- ប្រាក់ក៏បង់ ថង់ក៏ដាច់....។
សុភាសិតសេរីបកស្រាយសកម្មភាពផ្សេងៗ
- ឆ្មើងឆ្មៃ ចង្រៃខ្លួន
- ងប់និងល្បែង តែងវិនាស
- ខឹងនឹងគោ វាយរទេះ
- កុំទុំ មុនស្រគាល
- គោមួយក៏យប់ គោដប់ក៏ល្ងាច
- កុំរងមុខដឹង កុំទទឹងមុខសឹក
- ចូលព្រៃទាន់នៅព្រឹកចង់សឹកទាន់នៅក្មេង
- ធ្វើស្រែទាន់ក្តៅដី ចង់ស្រីទាន់ចិត្តក្តៅ
- សំណាបយោងដី ស្រីយោងប្រុស
- ក្របីបាត់ទើបធ្វើរបង ពេលប្រលងទើបខំរៀនសូត្រ
- ហ៊ានស៊ីហ៊ានសង ហ៊ានលួចចម្លង ហ៊ានឲ្យអនុរក្សចាប់
- ទំពាំងស្នងឬស្សី
- ពេលវេលាគឺជាមាស់ប្រាក់
- ដាំក្នុងសាលា ដុះក្នុងសង្គម
- កូនប្រុស ដើមទ្រូងប្រាំហត្ថ ... ។
