តើទូកមនុស្សមុនប្រវត្តិសាស្រ្តដូចម្តេច?

បច្ចុប្បន្ននេះមនុស្សយើងមានបទពិសោធន៍ និងមានការយល់ដឹងច្រើនពីទង្វើដំណើរតាមផ្លូវទឹក ដោយយើងចេះធ្វើទូក នាវា កប៉ាល់។ មុននឹងឈានមកដល់សម័យទំនើបបែបនេះ មនុស្សបុរាណចេះធ្វើក្បូន ទូកមានទម្រង់ ប្លែកពីទូកដែលសម័យវិទ្យាសាស្រ្តប្រើសព្វថ្ងៃ។ ក្បូនដំបូងកើតឡើងដោយការចងកំណាត់ឈើភ្ជាប់គ្នា។ ក្បូនបែបនេះអាចធ្វើចលនាទៅមុខបានដោយគេដាក់បណ្តែតតាមកម្លាំងទឹកហួរ ឬរុញច្រានដោយឈើវែងដែលគេហៅថា ដងថ្នោល។ ពួកគេចេះធ្វើក្បូនម៉្យាងទៀត ដោយពន្លាតស្បែកសត្វរុំព័ទ្ធលើគ្រោងឈើ រឺឬស្សី ដែលមានរូបសណ្ឋានដូចទូក។ ដោយឆ្លងកាត់ពេលវេលាជាច្រើនពាន់ឆ្នាំកន្លងមក មនុស្សចេះរចនា និងធ្វើការច្នៃប្រឌិតឱ្យឧបករណ៍ប្រើប្រាស់ទាំងនោះកាន់តែមានសោភ័ណ្ឌភាព និងកាន់តែស្រស់ស្អាតឡើង។