ប្រឡងជ្រើសរើសសិស្សពូកែ ផ្នែក ភាសាខ្មែរ គណិតវិទ្យា រូបវិទ្យា ថ្នាក់ទី៩ ឆ្នាំសិក្សា ២០១០-២០១១ (រយៈពេល៦០នាទី)

ប្រឡងជ្រើសរើសសិស្សពូកែ ផ្នែក ភាសាខ្មែរ គណិតវិទ្យា រូបវិទ្យា ថ្នាក់ទី៩

ឆ្នាំសិក្សា ២០១០-២០១១ (រយៈពេល៦០នាទី)

១.តើពលរដ្ធម្នាក់ៗមានករណីកិច្ចអ្វីខ្លះចំពោះជាតិមាតុភូមិ?

២.តើអ្នកត្រូវពន្យល់ទៅភ្ញៀវទេចរណ៍យ៉ាងដូចម្តេចចំពោះ “ព្រហ្មមុខបួននៅប្រាសាទបាយ័ន”?

៣.តើព្រៃឈើផ្តល់ផលប្រយោជន៍អ្វីខ្លះដល់មនុស្ស?

ចម្លើយ

១.ពលរដ្ធម្នាក់ៗមាករណីកិច្ចចំពោះជាតិ មាតុភូមិដូចខាងក្រោម៖

• ខិតខំធ្វើការងារដើម្បីចូលរួមក្នុងកិច្ចការ ការពារជាតិ និងកសាងមាតុភូមិឱ្យបានរុងរឿង
• គោរពច្បាប់រដ្ធ
• គោរពសិទ្ធិមនុស្ស
• ថែរក្សាស្រឡាញ់ ប្រៃណីជាតិ
• ថែរក្សាកេរមរតក វប្បធម៌ ឱ្យបានរុងរឿង
• ថែរក្សាសុខភាពខ្លួនឯង និងគ្រួសារឱ្យមានអនាម័យល្អ(មិនឱ្យមានជំងឺ)
• ថែរក្សាបរិស្ថាន
• ប្រើសិទ្ធិរបស់ខ្លួនដោយបំពេញកាតព្វកិច្ចជាពលរដ្ធល្អ
• ពង្រឹងសាមគ្គីជាតិ និងអន្តរជាតិឱ្យរឹងមាំ...

២.ពន្យល់ “ព្រហ្មមុខបួននៅប្រាសាទបាយ័ន”

• ជាស្នាព្រះហស្ថព្រះបាទជ័យវរ្ម័នទី៧
• ប្រាង្គប្រាសាទបាយ័ន សុទ្ធសឹងជារូបចម្លាក់ “ព្រហ្មមុខបួន”
• ប្រាង្គប្រាសាទបាយ័នមាន ៥៤ តំណាងឱ្យចំនួនខេត្តខ្មែរសម័យកាលនោះ
• ជាលក្ខណៈពិសេសមួយនៃស្ថាបត្យកម្មខ្មែរ
• មុខបួនបង្កប់ដោយស្នាមញញឹមដែលតំណាងឱ្យព្រហ្មវិហារធម៌ទាំង៤គឺ៖

​           ១.មេត្តា៖ ផ្សព្វផ្សាយ សេចក្តីរាប់អាន ទៅរកសព្វសត្វ

           ២.ករុណ៖ ផ្សព្វផ្សាយ សេចក្តីអាណិតទៅរកសព្វសត្វ

           ៣.មុទិតា៖ ផ្សព្វផ្សាយ សេចក្តីអំណរទៅរកសព្វសត្វ

           ៤.ឧបេក្ខា៖ ផ្សព្វផ្សាយ សេចក្តីស្មោះស្មើទៅរកសព្វសត្វ។

• ប្រាង្គប្រាសាទនេះតំណាង “លទ្ធិពុទ្ធរាជ”។

៣.ព្រៃឈើផ្តល់ប្រយោជន៍ដល់មនុស្សដូចជា៖

• ជម្រកមនុស្ស សត្វ
• ឈើជាគ្រឿងសំណង់ផ្សេងៗ
• ឈើជាគ្រឿងសង្ហារឹម
• ផ្តល់ប្រភពថាមពល សម្រាប់ចំអិនអាហារ
• ទាក់ទាញទឹកភ្លៀង
• បញ្ចុះសីតុណ្ហភាព
• បញ្ចេញឧស្ម័នអុកស៊ីសែន
• ផ្តល់អនុផលព្រៃឈើមានជ័រ វល្លិ៍ ឱសថ
• ការពារគ្រោះធម្មជាតិ
• ជាតំបន់ទេសចរធម្មជាតិ
• មានអាកាសធាតុបរិសុទ្ធ
• ព្រៃលិចទឹកសាប ជាជម្រកត្រីពង
• ព្រៃលិចទឹកប្រៃ ជាជម្រកមច្ឆជាតិ
• ផ្តល់ជីវជាតិដី សម្រាប់ធ្វើកសិកម្ម
• រក្សាជីវសាស្ត្រចម្រុះ...