សំណួរ-ចម្លើយ ជំពូក៣ មេរៀនទី១ គោលនយោបាយរូបិយវត្ថុ (ភាគ២)

សំណួរ

៨- ដូចម្តេចហៅថាការផ្គត់ផ្គង់រូបិយវត្ថុ ?

៩- អ្វីទៅជាតម្រូវការរូបិយវត្ថុ ?

១០- អ្វីទៅជាគោលនយោបាយអត្រាការប្រាក់ ?

១១- តើគុណវិប្បត្តិនៃការប្រើប្រាស់ទុនបម្រុងដែលជះឥទ្ធិពលលើការផ្គត់ផ្គង់រូបិយវត្ថុមានអ្វីខ្លះ ?

១២- តើបុនហិរញ្ញប្បទាននិងបុនអប្បហារជាគ្រឿងលើកទឹកចិត្តធនាគារពាណិជ្ជកម្មក្នុងការផ្តល់ឥណទានតាមមធ្យោបាយអ្វីខ្លះយ៉ាង ?

១៣- តើលំហូររូបិយវត្ថុក្នុងសេដ្ឋកិច្ចបើកចំហកើតឡើងដោយសារអ្វី ?

១៤- តើយន្តការកំណត់អត្រាប្តូរប្រាក់មានកត្តាអ្វីខ្លះ ?

ចម្លើយ

៨- ការផ្គត់ផ្គង់រូបិយវត្ថុ គឺជាបរិមាណរូប​ិយវត្ថុសរុប (ការគរទុក) ដែលមានក្នុងសេដ្ឋកិច្ចនៅដំណាក់ណាមួយចាប់បាច់ ។ រូបិយវត្ថុមានប្រភេទជាមូលប្បទានប័ត្រ (រូបិយវត្ថុកម្ពស់) ។

៩- តម្រូវការរូបិយវត្ថុ ជាចំណង់ក្នុងការទុកដាក់រូបិយវត្ថុសម្រាប់ប្រើប្រាស់ក្នុងទម្រង់ជាក្រដាសប្រាក់ឬបញ្ជីធនាគារដែលត្រូវបានការប្រាក់ ពីព្រោះតម្រូវការរូបិយវត្ថុគរទុកនូវតម្លៃ ដើម្បីធ្វើចរាចរណ៍ ។

១០- គោលនយោបាយអត្រាការប្រាក់ ជាភាវូបនីយកម្មសេដ្ឋកិច្ចនិងគោលដៅអភិវឌ្ឍន៍គោលនយោបាយហិរញ្ញវត្ថុដែលប្រព្រឹត្តជាមួយគ្នា (អន្តរការី) រវាងអ្នកសន្សំ និងវិនិយោគិន ។

១១- គុណវិប្បត្តិនៃការប្រើប្រាស់ទុនបម្រុងដែលជះឥទ្ធិពលលើការផ្គត់ផ្គង់រូបិយវត្ថុមានដូចជា ៖

• កាត់បន្ថយសក្តានុពលនៃការផ្តល់កម្ចីដែលធនាគារបានដាក់កំហិតប្រតិបត្តិការនៃប្រព័ន្ធ
• មានកម្មសិទ្ធឯកជនមួយនៅក្នុងធនាគារ

១២- បុនហិរញ្ញប្បទាននិងបុនអប្បហារជាគ្រឿងលើកទឹកចិត្តធនាគារពាណិជ្ជកម្មក្នុងការផ្តល់ឥណទានតាមមធ្យោបាយ២យ៉ាងគឺ ៖

• មូលនិធិត្រូវបានផ្តល់ជាតម្លៃទាបជាងអត្រាតម្លៃដែលធនាគារបង់ប្រាក់បញ្ញើ
• លទ្ធភាពនៃទុនបម្រុងអាចបង្កើនសមត្ថភាពរបស់ធនាគារផ្តល់កម្ចីបន្ថែម ។

១៣- លំហូររូបិយវត្ថុក្នុងសេដ្ឋកិច្ចបើកចំហកើតឡើងដោយសារការឲ្យសហគ្រាសខ្ចីមូលធនពីបរទេសដោយសេរី ។ គោលនយោបាយរូបិយវត្ថុក្នុងស្រុកបង្កើតមានអតិផរណា ត្រូវមានការទូទាត់អត្រាប្តូរប្រាក់ដើម្បីរក្សារលំនឹងថ្លៃសេដ្ឋកិច្ចក្នុងនិងក្រៅប្រទេស ។ ពាក់ព័ន្ធជាពិសេសនោះគឺប្រទេសដែលបានបើកគណនីមូលធនក្នុងបរិមាណដ៏ច្រើនដែលតម្រូវការរូបិយប័ណ្ណបរទេស ។

១៤- យន្តការកំណត់អត្រាប្តូរប្រាក់មានកត្តាដូចជា ៖

• រយៈពេលវែងដែលមានឥទ្ធិពលលើអត្រាប្តូរប្រាក់
• រយៈពេលមធ្យមដែលផ្លាស់ប្តូរតម្រូវការនិងការផ្គត់ផ្គង់រូបិយវត្ថុរួមមាន គរនីចរន្ត គរនីមូលធន អត្រាការប្រាក់ ។
• រយៈពេលខ្លីការផ្លាស់ប្តូរតម្រូវការនិងការផ្គត់ផ្គង់រូបិយវត្ថុជាកត្តាចិត្តសាស្រ្ត ។