មធ្យោបាយសំរាប់រៀបចំផែនការមានដូចជា ៖
- ថវិការ (Budget) មធ្យោបាយសំរាប់ធ្វើផែនការសំខាន់បំផុតគឺ ថវិការ ព្រោះថវិការហិរញ្ញវត្ថុ វាជួយអោយអ្នកគ្រប់គ្រងអាចឈានទៅដល់គោលដៅ ហើយអាចកំណត់ថាទៅដល់នោះវាដូចម្តេច ? ថវិការហិរញ្ញវត្ថុ ដូចជាថវិការលក់ និងថវិការផ្សព្វផ្សាយ ត្រូវបានគេវាយតំលៃយ៉ាងពិសេសនៅក្នុងផែនការ ដើម្បីសម្រេចគោលដៅរយៈពេលខ្លី ។
- តារាងពេលវេលា (Schedule) វាបញ្ជាក់ការងារដែលត្រូវបំពេញដោយផ្នែកមួយ ឬ ដោយមនុស្សម្នាក់ៗហើយជាពេលដែលត្រឹមត្រូវបំផុត ដែលតម្រូវអោយបំពេញការងារអ្នកគ្រប់គ្រងម្នាក់អាចធ្វើតារាងពេលវេលាដើម្បីធ្វើផែនការការងារ ដែលនឹងត្រូវដាក់អោយនិយោជិកម្នាក់ៗសម្រាប់មួយថ្ងៃ ឬមួយសប្តាហ៍ ។
- បទដ្ឋាន ឬគំរូកំណត់ (Standards) ជាខ្នាត ឬជារង្វាស់ ឬជាគោលការណ៍កំណត់ដោយវត្ថុទាំងឡាយដែលគេវាស់ និងកំរិតអោយវា ។ ឧទាហរណ៍ នៅក្នុងអាជីវកម្មរបបកំណត់ ឬបទដ្ឋាន គេបង្កើតឡើងដើម្បីកំណត់សមត្ថភាពការងារសំដៅធ្វើអោយសម្រេចគោលដៅដែលគេចង់បាន ពីព្រោះបទដ្ឋានត្រូវគេប្រើសម្រាប់ធ្វើការត្រួតពិនិត្យ និងធ្វើអោយល្អប្រសើរចំពោះផែនការ ។
- គោលនយោបាយ (Policies) ជាគោលការណ៍ដែលគេប្រើនៅក្នុងការបង្កើតសេចក្តីសំរេចចំពោះស្ថានភាពនៃបញ្ហាដែលជាក់លាក់ ។ គោលនយោបាយមួយ វាជាវិធានការទូទៅមួយប្រើសម្រាប់ប្រតិបត្តិការងារអាជីវកម្មទាំងមូល ឬសម្រាប់ផ្នែកផ្សេងៗទៀត ។
- ទំរង់បែបបទ (Procedures) ទំរង់បែបបទមួយ គឺជាបញ្ជី ឬលិខិតស្នាមតាមលំដាប់លំដោយ និងមានសណ្តាប់ធ្នាប់ចំពោះរាល់ដំណើការអនុវត្តការងារជាក់ស្តែង ។ ទំរង់បែបបទវាបង្កើននូវប្រសិទ្ធិភាពអាជីវកម្ម ហើយជាពិសេសវា។
