ព្រះមហាក្សត្រទ្រង់គ្រងរាជសម្បត្តិ ប៉ុន្តែទ្រង់មិនកាន់អំណាចឡើយ ។ រាល់ការតែងតាំងឥស្សរជនធំៗ ត្រូវមានការឡាយព្រះហស្ថលេខាពីព្រះមហាក្សត្រ ។ តើនេះជាអំណាចឬទេ ?

កាលដែលគេចែងថា “ទ្រង់មិនកាន់អំណាច ” មិនមែនមានន័យថា ទ្រង់មិនមានអំណាចនោះទេ ដូចជាករណីព្រះមហាក្សត្រីយ៉ានី អេលីហ្សាប៊ែត នៃចក្រភពអង់គ្លេសដែរ ទ្រង់មិនកាន់អំណាចទេ ដោយទ្រង់ធ្វើការចែករំលែកអំណាចទៅឱ្យស្ថាប័នផ្សេងទៀតកាន់កាប់ មានរដ្ឋាភិបាល រដ្ឋសភា ព្រឹទ្ធសភា និងតុលាការ ដើម្បីបំពេញកិច្ចការជំនួសព្រះអង្គ។ ដូច្នេះក្រៅតែពីអំណាចខាងលើ ដូចជាការតែងតាំងមន្ត្រីជាន់ខ្ពស់ ឬ ឥស្សរជនសំខាន់ៗ អំណាចនេះត្រូវបានគេទុកថ្វាយព្រះមហាក្សត្រក្នុងឋានៈព្រះអង្គជាព្រះប្រមុខរដ្ឋ ដូចជាករណីនៅព្រះរាជាណាចក្រកម្ពុជាដែរ ។