ចូររៀបរាប់ភារកិច្ចសំខាន់របស់បេឡាជាតិរបបសន្តិសុខសង្គម?

បេឡាជាតិរបបសន្តិសង្គមមានភារកិច្ចដូចខាងក្រោម៖

• គ្រប់គ្រងរបបសន្តិសុខសង្គម ដោយអនុលោមតាមច្បាប់ស្តីពីរបបសន្តិសុខសង្គមសម្រាប់ជនទាំងឡាយដែលស្ថិតនៅក្រោមបទប្បញ្ញត្តិនៃច្បាប់ស្តីពីការងារ
• ធានាឱ្យបានសមស្របនូវតាវកាលិកទាំងឡាយសម្រាប់សមាជិកនៃប.ស.សក្នុងគោលដៅជួយសម្រាលការលំបាកនានានៅពេលជរាភាពព្វលភាព មរណភាព ហានិភ័យការងារ ឬពេលជួបប្រទះជាយថាហេតុផ្សេងទៀតដូចជាជំងឺ មាតុភាព ជាដើម។
• ប្រមូលភាគទានពិសមាជិក នៃប.ស.ស និងនិយោជក
• សម្របសម្រួល និងរៀបចំឱ្យមានសេវាកម្មផ្នែកសុខាភិបាល និងសង្គមកិច្ចសម្រាប់ជាប្រយោជន៍ដល់សមាជិករបស់ខ្លួន។
• សហការជាមួយអង្គភាពពាក់ព័ន្ធដើម្បី៖

១.អប់រំផ្សព្វផ្សាយអំពីរបៀបបង្ការគ្រោះថ្នាក់ការងារ និងជំងឺវិជ្ជាជីវៈ

២​.ចាត់វិធានការផ្នែកបច្ចេកទេសសន្តិសុខ និងអនាម័យការងារ

• សហការជាមួយអង្គភាពពាក់ព័ន្ធដើម្បីសិក្សាស្រាវជ្រាវ និងអង្គេតហានិភ័យការងារ
• ចាត់ចែង និងគ្រប់គ្រងការវិនិយោគមូលនិធិសន្តិសុខសង្គម