តើការសម្រួលចំណែកមត៌កគឺជាអ្វី ?

ការសម្រួលចំណែកមត៌ក គឺជាការស្វែងរកឲ្យឃើញនូវចំនួនមត៌កពិតដែលមតកជនមានមុនពេលមត៌កត្រូវបានចាប់ផ្តើម និងទទួលបាននូវភាពត្រឹមត្រូវ និងស្មើភាពគ្នាក្នុងចំណោមសហសន្តតិជន ។ ក្នុងករណីខ្លះចំនួនមត៌ករបស់មតកជនត្រូវបានបង្រួមដែលបណ្តាលមកពីហេតុជាច្រើន តួយ៉ាងមុនពេលស្លាប់មតកជនបានយកចំណែកមត៌កមួយចំនួនទៅធ្វើប្រទានកម្ម ឬអច្ច័យទានផ្សេងៗឲ្យសន្តតិជនណាម្នាក់ ជាផលប្រយោជន៍ពិសេស ។ វាក៏អាចមានករណីខ្លះផ្សេងទៀតដែលធ្វើឲ្យចំនួនមត៌កសរុបរបស់មតកជនរីកផងដែរ ដូចជាការចូលរួមរបស់សន្តិជនណាម្នាក់ក្នុងការមើលថែមតកជនមុនពេលស្លាប់ ការជួយធ្វើឲ្យកើននូវចំនួនទ្រព្យរបស់មតកជនជាដើម ។