រដ្ឋមានតួនាទីនៅក្នុងនយោបាយអន្ដរជាតិ និងចរន្ដសកលភាវូបនីយកម្មអាចមានផលប៉ះពាល់ដល់តួនាទីរដ្ឋដូចជា ៖
តួនាទីរដ្ឋក្នុងនយោបាយអន្ដរជាតិ គឺ ៖
- រដ្ឋជាឧបករណ៍ផ្ដាច់មុចក្នុងការពារបូរណភាពដែនដីខ្លួន
- រដ្ឋជាផ្នែកមួយនៃសហគមន៍អន្ដរជាតិ ប៉ុន្ដែរដ្ឋនីមួយៗមានព្រំដែនសកម្មភាពរបស់ខ្លួនច្បាស់លាស់ក្នុងការធ្វើកិច្ចសហប្រតិបត្តិការ និងក្នុងការប្រគួតប្រជែងដើម្បីផលប្រយោជន៍ជាតិរៀងៗខ្លួន
- រដ្ឋមានតួនាទីយ៉ាងសំខាន់ក្នុងការផ្លាស់ប្ដូរ បញ្ជូនកម្លាំងពលករទៅបំពេញករការងារនៅក្រៅប្រទេសនិងការពារពួកគេគ្រប់ពេលវេលាស្របទៅតាមច្បាប់
- រកមធ្យោបាយគ្រប់បែបយ៉ាងដើម្បីរក្សាតុល្យភាពរវាងកំណើនសេដ្ឋកិច្ចសេរីអន្ដរជាតិជាមួយសេដ្ឋកិច្ចជាតិ
- កិច្ចសហប្រតិបត្តិការអន្ដរជាតិរវាងធនាគារឯកជនក្ដីឬធនាគារជាតិក្ដីត្រូវគេទទួលស្គាល់ថាជាកិច្ចព្រមព្រៀងពហុជាតិប៉ុន្ដែត្រូវតែទទួលស្គាល់នូវតួនាទីរដ្ឋដែលជាអ្នកគ្រប់គ្រងផងដែរ ដែលក្នុងនោះមានការទទួលខុសត្រូវក្នុងការសម្របសម្រួលនិងពិនិត្យពីស្ថាប័នហិរញ្ញរត្ថុជាតិដែលបំពេញការងារសម្រាប់រដ្ឋាភិបាលជាដើម។
ចរន្ដសកលភាវូបនីយកម្មអាចមានផលប៉ះពាល់ដល់តួនាទីរដ្ឋដូចជា ៖
- ធ្វើឲ្យតួនាទីនៅក្រៅរង្វង់អធិបតេយ្យរបស់ខ្លូន
- ធ្វើឲ្យតួនាទីរដ្ឋធ្លាក់ចុះពីព្រោះសហគ្រាស់ពហុជាតិឬសហគ្រាសអន្ដរជាតិធ្វើសកម្មភាពភាគច្រើនអាស្រ័យលើដំណើរការវិវត្តនៃទៅផ្សារសកលលោកហើយគេធ្វើយ៉ាងណាឲ្យមានឯករាជ្យភាពពីនយោបាយរដ្ឋ
- ធ្វើឲ្យមានភាពស្មុគស្មាញថែមទៀតដល់អធិបតេយ្យភាពរបស់រដ្ឋនៅក្នុងវិស័យនយោបាយ
- ប្រទេសអន់ខ្សោយស្ថិតនៅក្រោមឥទ្ធិពលរបស់ប្រទេសមហាអំណាចដែលធ្វើឲ្យតួនាទីរដ្ឋរួមតូច
- ប្រទេសក្រីក្រមិនអាចដើរតាមលទ្ធិប្រជាធិបតេយ្យបានព្រោះប្រជាជនភាគច្រើនជាអន្ខរជននិងសេដ្ឋកិច្ចទន់ខ្សោយ ។
