វិញ្ញាសាវប្បធម៌ប្រឡងប្រណាំងប្រជែងការយល់ដឹងពីសិទ្ធិមនុស្ស ( វិញ្ញាសាទី ១២)

សំណូរ  

១. បើមានគេបង្ខិតបង្ខំឱ្យធ្វើអ្វីមួយដូចជាប្រើថ្នាំញៀនឬរួមភេទតើអ្នកត្រូវធ្វើដូចម្តេច ?

២. តើនៅពេលដែលប្តីយកទ្រព្យសម្បត្តិរួមរបស់គ្រួសារចាយវាយសប្បាយជាមួយស្រ្តីខាងក្រៅអាចជាទម្រង់នៃអំពើហិង្សាក្នុងគ្រួសារដែរឬទេ ?

៣. តើប្រជាពលរដ្ឋត្រូវមានកាតព្វកិច្ចអ្វីខ្លះចំពោះសង្គមជាតិ ?

៤. តើការធ្វើកូដកម្ម និងបាតុកម្មអហិង្សាជាសិទ្ធិអ្វី ?  ហេតុអ្វីចាំបាច់ត្រូវមានច្បាប់អនុញ្ញាតក្នុងការធ្វើ បាតុកម្មអហិង្សា ?

ចម្លើយ​

១. អ្នកត្រូវនិយាយប្រាក់គេពីទោសនៃការប្រើប្រាស់ថ្នាំញៀន និងប្រាប់គេថាការប្រើប្រាស់គ្រឿងញៀនគឺខុសច្បាប់ហើយអាចជាប់ពន្ធនាគារពី ១ខែ ទៅ១ឆ្នាំ បើរំលោភសេពសន្ថវៈវិញនឹងត្រូវជាប់ពន្ធនាគារពី៥ឆ្នាំទៅ១៥ឆ្នាំ ។

២. អំពើនេះជាទម្រង់នៃអំពើហិង្សាក្នុងគ្រួសារព្រោះមាត្រា៦នៃច្បាប់ស្តីអំពីការទប់ស្តាត់អំពើហិង្សាក្នុងគ្រួសារនិងកិច្ចការពារជនរងគ្រោះបានចែងថាអំពើទារុណកម្មឬអំពើឃោរឃៅរួមមាន

• ការធ្វើទុកបុកម្នេញបង្កឱ្យមានការឈឺចាប់ផ្លូវចិត្តសតិអារម្មណ៍បញ្ញាស្មារតីដល់រូបវន្តបុគ្គក្នុងគ្រួសារ ។
• ការធ្វើឱ្យប៉ះទង្គិចលើផ្លូវចិត្តនិងលើរូបកាយដែលប្រព្រឹត្តហួសពីសីលធម៌នឹងច្បាប់កំណត់ ។

៣. ប្រជាពលរដ្ឋម្នាក់ៗ ត្រូវមានភារកិច្ច និងកាតព្វកិច្ចចាំបាច់ក្នុងការចូលរួមយ៉ាងសកម្ម ក្នុងការកសាងប្រទេសជាតិទាំងវិស័យសេដ្ឋកិច្ច សង្គមកិច្ច វប្បធម៌ និងនយោបាយរបស់ប្រទេសឱ្យបានខ្លាំងក្លាដូចជា

• បង់ពន្ធជូនរដ្ឋ
• គោរពច្បាប់រដ្ឋ
• បង្កបង្កើនផល
• រក្សាប្រពៃណីទំនៀមទម្លាប់ល្អរបស់ជាតិ
• រក្សាការពារបរិស្ថាន និងសម្បត្តិវប្បធម៌ជាតិ
• ចូលរួមបោះឆ្នោតជ្រើសរើស អ្នកតំណាង និងអ្នកដឹកនាំរបស់ខ្លួនក្នុងការគ្រប់គ្រង និងអភិវឌ្ឍន៍ប្រទេស
• គោរព និងការពារសិទ្ធិមនុស្ស ។

៤. ការធ្វើកូដកម្ម និងបាតុកម្មអហិង្សាជាសិទ្ធិនយោបាយ ។ បានជាចាំបាច់ត្រូវមានច្បាប់អនុញ្ញាតក្នុងការធ្វើបាតុកម្មអហិង្សា ព្រោះ ៖

• ដើម្បីបង្ហាញពីសេរីភាពខាងផ្នែកនយោបាយរបស់ប្រទេស
• ដើម្បីបង្ហាញពីលទ្ធិប្រជាធិបតេយ្យ ។