វិញ្ញាសាផែនដី ប្រឡងសញ្ញាបត្រមធ្យមសិក្សាទុតិយភូមិ ចំណេះទូទៅ និងបំពេញវិជ្ជា ( វិញ្ញាសាទី២៨ )

សំនួរ

១. ​តើតារាវិទូបច្ចុប្បន្នធ្វើការសង្កេតមេឃដោយប្រើមធ្យោបាយដូចម្តេច ?

២. ក្រៅពីភពដែលតារាវិទូសម័យមុនបានស្គាល់ តើតារា​វិទូសម័យបច្ចុប្បន្នបានរកឃើញអ្វីខ្លះនៅក្នុងប្រព័ន្ធព្រះអាទិត្យ ?

៣. តើភពទាំងអស់ធ្វើចលនាជុំវិញព្រះអាទិត្យក្នុងទិសដៅដូចម្តេច ?

៤. តើបាតុភូតថ្ងៃនិងយប់ និងរដូវផ្សេងៗគ្នានៅលើផែនដីបណ្តាលមកពីមូលហេតុអ្វី ?

៥. តើកម្លាំងទំនាញរវាងវត្ថុពីរអាស្រ័យនឹងកត្តាអ្វីខ្លះ ?

ចម្លើយ

១. បច្ចុប្បន្ន តារាវិទូធ្វើការសង្កេតមេឃដោយប្រើមធ្យោបាយដូចជា ៖

• ប្រើតេឡេទស្សន៍ដាក់តាំងនោលើផ្ទៃដី
• ប្រើប្រាស់តេឡេទស្សន៍បង្ហោះទៅក្នុងលំហដើម្បីស​ង្កេតទិដ្ឋភាពកាន់តែប្រសើរដែលមាននៅក្នុងលំហខាងក្រៅ ។
• បានបញ្ជូនអវកាសយានិកទៅព្រះចន្ទ និងបានបង្ហោះយានជាច្រើនឲ្យសិក្សានៅអង្គផ្សេងៗ​ក្នុងប្រព័ន្ធព្រះអាទិត្យ ។

២. ក្រៅពីភពដែលតារាវិទូសម័យមុនបានស្គាល់ តារាវិទូសម័យបច្ចុប្បន្នបានរកឃើញអង្គថ្មីៗទៀតនៅក្នុងប្រព័ន្ធព្រះអាទិត្យដូចជា ៖

• ភពអ៊ុយរ៉ានុស
• ព្លុយតុង
• ផ្កាយព្រះគ្រោះ
• ភពណិបទូន
• ផ្កាយដុះកន្ទុយ
• អាចម៍ផ្កាយ   ។

៣. ភពទាំងអស់ធ្វើចលនាជុំវិញព្រះអាទិត្យក្នុងទិសដៅច្រាស និងទ្រនិចនាឡិកា ។

៤. បាតុភូតថ្ងៃនិងយប់នៅលើផែនដីបណ្តាលលមកពីផែនដីមានរាងមូល និងរង្វិលខ្ញាល់របស់ផែនដី ។

• រដូវ​ផ្សេងៗគ្នានៅលើផែនដីបណ្តាលមកពីអក្ស័ររបស់ផែនដីទ្រេត ( ២៣ , ២៧ ) និងចលនារង្វិលជុំរបស់ផែនដីជុំវិញព្រះអាទិត្យ ។

៥. កម្លាំងទំនាញរវាងវត្ថុពីរអាស្រ័យនឹងកត្តាពីរគឺ ៖

• ម៉ាស់  ម៉ាស់កាន់តែធំ កម្លាំងទំនាញកាន់តែខ្លាំង ។
• ចម្ងាយរវាងវត្ថុទាំងពីរ កម្លាំងទំនាញកាន់តែថ​យចុះកាលណាចម្ងាយរវាងវត្ថុទាំងពីរកាន់តែឆ្ងាយ ​។