តើរបាំរាំវង់ និងសូត្រព្រ័ត្រមានប្រភពមកពីណា ?

របាំរាំវង់មានប្រភពដើមពីប្រជាជនខ្មែរនៅជិត​ព្រំដែន​លាវ ប្រជាជននៅទីនោះចេះច្រៀង ចេះរាំមុនគេដោយធ្លាប់ទាក់ទងចេញចូលទៅមក ឬជាប់ពូជវង្សសាច់ញាតិគ្រួសារជាមួយលាវ ។

• មានរបៀបតែងខ្លួន ដូចជាស្រ្តីស្លៀកពាកសំពត់ស៊ីជាដើម បន្ទាប់មកខ្មែរនៅព្រំដែនសៀមក៏មានទំនាក់ទំនងដូចគ្នានេះដែរ ការឆ្លងតាមរយៈព្រំដែនសៀមទើបតែមានក្នុងឆ្នាំ១៩៤៦ .១៩៤៧ ប៉ុណ្ណោះ ។ ឯទំនាក់ទំនងតាមព្រំដែនលាវមានជាយូរមកហើយគឺមុនសម័យអាណាព្យាបាលបារាំងលើទឹកដីឥណ្ឌូចិននេះតទៅទៀត ។
• ចំនែករបាំសួព្រ័ត្រមានប្រភពបែបបទរឿងនិទានដែលនិទានថាកាលណោះមានបុរសម្នាក់កាប់ឱសម្នាក់មានវាសនាបានធ្វើជាស្តេច ។ ដោយនិស្ស័យស្តេចអង្គនោះជាបុរសសាមញ្ញ ព្រះអង្គបានត្រាស់បញ្ជាឲ្យគេបង្កើតជាក្បាច់របាំរបៀបជីវភាពអ្នកដើរព្រៃ ដូជជាការឡើងកាប់ឈើ ឬបោចវល្លិ៍ ។ ចំណែកឧបករណ៍ភ្លេងរបាំនោះជាតំណាងសួរស័ព្ទសត្វព្រៃយំឆ្លើយឆ្លងគ្នា ។ តាមការស្រាវជ្រាវបញ្ជាក់ថារបាំនេះជាកេរ្តិ៍សំណល់អាចារ្យធម៌ខ្មែរបុរាណតាំងពីស.វទី១នៃគ.ស ព្រោះឧបករណ៍ភ្លេងទាំងនោះបានបង្ហាញឲ្យឃើញថាជាឧបករណ៍អ្នកស្រុកព្រៃភ្នំ សម័យដើមមានដូចជាកន្ទុយក្ងោក ព្រ័ត្រស្បែក ប៉ីពតជាដើ​ម​ ។