តើពិធីចូលម្លប់ដែលប្រជាពលរដ្ឋខ្មែរ យើងនិយមធ្វើកាលពីសម័យដើមមានអត្តន័យដូចម្តេច ?

កាលពីដើម តាមទំនៀមទំលាប់​ខ្មែរយើ​ង គរួសារនីមួយៗត្រូវរៀបចំពីធីចូលម្លប់ ដល់កូនស្រីរបស់ខ្លួន កាលណាកូនស្រីមានអាយុគ្រប់ការ ។ ពីធីចូលម្លប់​នាសម័​យនោះ ​មានអត្តន័យបំរើសំណូមពរនៃសេចក្គីត្រូវការរបស់មនុស្ស​នាសម័យនោះ គឺការចូលម្លប់ជាឪកាសមួយនៃការអប់រំ និង ការសិក្សាលើមុខវិជ្ជាជំនាញផ្សេងៗ សំរាប់កូនស្រី​។​ នាសម័យ​ដើមសាលារៀ​នពុំទាន់មានការរីកចំរើន ​ហើយកូនស្រីខ្មែរក៏ពុំអនុញ្ញាត្តិអោយទៅសិក្សាដែរ ។ ដូចនេះដល់អាយុគ្រប់ការគ្រួសារនីមួយៗ ​ត្រូវតែធ្វើពិធីចូលម្លប់ដល់កូនស្រី ដើម្បីអោយរូបរាងកាយ សំ​បុរស្អាតបាត និង រីក​ធំធាត់ មានសាច់មានឈា​មឆាប់រហ័ស ព្រមទាំងដើម្បីជាឪកាសអប់រំ ចិត្តគំនិត កាយវាចាចិត្ក និងការអ​ប់រំមុខជំនាញផ្សេងៗ មានការដេរប៉ា​ក់ ធ្វើម្ហូបអាហារជាដើម ដើម្បីត្រៀមលក្ខណៈទុកជាមុននូ​វចំណោះដឹង ចាំបាច់សំរាប់កសាងគ្រួសារទៅអនាគត ​។ ដូចនេះពិ​ធូចូលម្លប់ ​មានសារះសំខាន់សំរាប់សង្គមខ្មែរ យើង​នាសម័យដើម ។ តែសព្វថ្ងៃនេះ ដោយសារសង្គ​មមនុស្សមានការរី​កចំរើន មានសាលារៀនគ្រប់គ្រាន់ សំរាប់អ​ប់រំបណ្តុះបណ្តាលកូនស្រី គេពុំចាំបាច់ធ្វើពិធីចូលម្លប់ ទៀតទេ ។