ចូររាប់វិធានការនានា ដើម្បីទប់ស្កាត់កុំមានកង្វក់ទឹក ?

វិធានការនានាដើម្បីទប់ស្កាត់កុំឱ្យមានកង្វក់ទឹកប្រជាពលរដ្ឋគ្រប់រូបត្រូវសហការគ្នាដើម្បីទប់ស្កាត់កុំឱ្យមានកង្វក់ទឹករួមមានចំណុចសំខាន់ៗដូចខាងក្រោម ៖

• ប្រជាជនគ្រប់រូបគប្បីប្រើប្រាស់ទឹកដោយស្មារតីសន្សំសំចៃខ្ពស់
• កុំចោលកាកសំណល់ទាំងឡាយណាដែលនាំឱ្យមានកង្វក់ទឹក
• កុំប្រើប្រាស់ថ្នាំសម្លាប់សត្វល្អិត​និងជីគីមីព្រោះជីគីមីពុលមួយចំនួនអាចជ្រាបចូលទៅដល់ទឹកក្រោមដី ជាហេតុនាំឱ្យទឹកខូចគុណភាព ។
• ត្រូវពង្រីកការអនុវត្តវិស័យកសិកម្ម តាមកម្មវិធីអាយភីអ៊ិម (IPM = វិធានការចម្រុះថែទាំដំណាំ) ដោយមិនប្រើប្រាស់ថ្នាំពុល
• អប់រំប្រជាជនឱ្យយល់ច្បាស់អំពីបរិស្ថាន និងតម្លៃនៃការខូចខាតតាមរយៈប្រព័ន្ធឃោសនាគ្រប់រូបភាពបញ្ជូលការអប់រំបរិស្ថានទៅក្នុងកម្មវិធីសិក្សាចាប់ពីបឋមសិក្សារហូតដល់ឧត្តមសិក្សា ។
• ក្រសួងបរិស្ថានត្រូវមានឧបករណ៍វិភាគជាតិពុលដែលមាននៅក្នុងទឹក
• ធ្វើការតាមដានពិនិត្យជាប្រចាំ នៅរាល់ប្រភពទាំងឡាយដែលធ្វើឱ្យមានកង្វក់ទឹក
• ណែនាំអប់រំដល់ម្ចាស់រោងចក្រ សិប្បកម្ម សហគ្រាសរមណីដ្ឋានភោជនីយដ្ឋានឱ្យធ្វើអាងសំអាតកាកសំណល់ទាំងឡាយមុននឹងបង្ហូរចូលទៅលតាមផ្លូវទឹក

បង្កើតក្រុមចុះត្រួតពិនិត្យ និងដាក់ពិន័យចំពោះអ្នកទាំងឡាយណាដែលបង្កឱ្យមានកង្វក់ទឹក ។