តើមានភស្តុតាងអ្វីខ្លះដែលបញ្ជាក់ថាជនជាតិខ្មែរយើង គោរពព្រហ្មញ្ញសាសនាយ៉ាងមុតមាំនាសម័យបុរាណ ?

តាមប្រវត្ថិសាស្រ្តបញ្ជាក់ថា ចាប់ពីគ.ស សតវត្សទី១ ដល់គ.ស សតវត្សទី១៣ ជនជាតិខ្មែរយើងបានគោរពព្រហ្មញ្ញសាសនាយ៉ាងមុតមាំ ។ រហូតមកដល់សព្វថ្ងៃនេះ យើងសង្កេតឃើញមានភស្តុតាង និងស្លាកស្នាមជាច្រើន ដែលបញ្ជាក់ថា ជនជាតិខ្មែរយើងបានគោរពសាសនានេះ យ៉ាងច្បាស់លាស់ ពុំអាចប្រកែកបានដូចជា ៖

• យើងឃើញនៅលើទឹកដីកម្ពុជាយើង មានប្រាសាទភ្នំជាច្រើន ដែលគេឩទ្ទឹសដល់អាទិទេព មានព្រះសិវៈ និងព្រះវិស្ណុជាដើម ។ ប្រាសាទភ្នំ តំនាងអោយភ្នំកៃលាស ដែលកន្លែងស្នាក់នៅនៃអាទិទេព ។
• មានរូបបដិមាជាច្រើន ដែលទាក់ទងនឹងអាទិទទេពនៃសាសនាព្រាហ្មណ៍ និងលិង្គព្រះឥសូរនៅពាសពេញទឹកដីរបស់យើង ។
• មានទួលអង្គរ ស្រះ ត្រពាំង និងបារាយណ៍ធំៗ ជាច្រើនដែលគេកសាងឡើង ដើម្បីលទ្ធិសាសនាព្រាហ្មណ៍ ។
• តាមរយៈទំនៀមទំលាប់ ជំនឿ ជីវភាពរស់នៅ និងស្មារតីក៏បង្ហាញថាខ្មែរយើងធ្លាប់ គោរពសាសនាព្រាហ្មណ៍នេះដែរ ។
• តាមរយៈអក្សេសាស្រ្ត សិល្បៈ ក៏បង្ហាញថា ជនជាតិខ្មែរយើងគោរពលទ្ធិសាសនាព្រាហ្មណ៍ដែរ។