ព្រះទាំងបួនតំណាងឲ្យព្រហ្មវិហារធម៌ទាំងបួនគឺ មេត្តា ករុណា មុទិតា និងឧបេក្ខា ។
ក. មេត្តា
- ការមានចិត្តស្រឡាញ់រាប់អានញាតិមិត្ត និងសារធារណជនក្នុងសង្គមដោយគ្មានការរើសអើង និងប្រកបដោយសន្តានចិត្តភក្តីទូលាយ
- ថាមពលនៃធម៌ដែលមានអនុភាពបំផុត អងាចផ្សព្វផ្សាយដោយគ្មានការរើសអើងទៅកាន់បុគ្គលដែលជាទីស្រឡាញ់របស់យើង
- ស្និទ្ធស្នាល ការប្រតិបត្តិប្រកបដោយមេត្តា គឹសត្រូវទាំងអស់នឹងត្រលប់ ក្លាយជាមិត្តមិនអាចស្អប់ និងមិនចងពៀរចំពោះយើងបានឡើយ ។
- ការមានចិត្តអាណិតអាសូរដោយគ្មានការច្រណែនឈ្នានីស យកត្រូវតែខ្លួនឯង រិះគន់កំហុសអ្នកដទៃឡើយ
ខ. ករុណា
- ការអាណិតអាសូរចំពោះមនុស្សទំាងអស់នៅក្នុងសង្គម ដែលបានទទួលការរងទុក្ខលំបាកផ្សេងៗទាំងផ្លូវការទាំងផ្លូវចិត្ត ដោយចង់ឲ្យពួកគេរួចពីទុកលំបាក និងរស់នៅបានសុខស្រួលដូចខ្លួនដែរ
- វាដឹកនាំមនុស្សឲ្យដើរតាមផ្លូវសច្ចៈ យុត្តិធម៌ ចៀសវាងការប្រព្រឹត្តអំពើ ទាំងឡាយណាដែលធ្វើឲ្យអ្នកដទៃមានការឈឺចាប់ ទាំងផ្លូវការ វាចារចិត្តដូចជា ការកាប់សម្លាប់ ការធ្វើទារុណកម្ម ការប្រមាថមើលងាយ ការលួចប្លន់ការកេងប្រវ័ញ្ចបោកប្រាស់ និងអំពើបាបកម្មផ្សេងៗទៀត ។
គ. មុទិតា
- ការមានចិត្តទន់ភ្លន់ មានចិត្តរីករាយអបអរសាទរចំពោះសេចក្តីសុខចម្រើនរបស់អ្នកដទៃមិនរើសមុខ និងចង់ឲ្យគេស្ថិតក្នុងសេចក្តីសុខ សុវត្ថិភាពដោយគ្មានការច្រណែននិន្ទាឈ្នានីស
ឃ. ឧបេក្ខា
- ការប្រកាន់ចិត្តជាកណ្តាល មិនលំអៀងទៅខាងណា និងមានចិត្តអព្យាក្រឹត្យ
- មិនខឹងសំបារចំពោះអ្នកណាទាំងអស់ ចង់ឲ្យពួកគេរស់នៅតាមលទ្ធភាព សមត្ថភាព និងសេរីភាពរបស់គេ
- មិនមានចិត្តលោភលន់ ឬព្រួយកង្វល់ចំពោះអ្នកជិតខាងដែលមានទ្រព្យសម្បត្តិច្រើនជាងខ្លួន ។
ដូចនេះ មនុស្សម្នាក់ៗត្រូវប្រកាន់ខ្ជាប់ព្រហ្មវិហារធម៌ ព្រោះវាជាប្រភពនៃសន្តិភាព វឌ្ឍនភាពនៃសង្គមនិងពិភពលោក ។
