តើហេតុអ្វីបានជាប្រពៃណីខ្មែរថ្ងៃបិណ្ឌ ចាំបាច់ធ្វើការសែនព្រេន ? ពួកគេធ្វើពិធីសែនព្រេនយ៉ាងដូចម្តេច ?

បើយោងតាមប្រពៃណីខ្មែរមនុស្សដែលស្លាប់ទៅហើយកូនចៅនៅឯក្រោយឃើញនៅមានសំណល់ទុករហូតមកដល់សព្វថ្ងៃ ៖

យកចំណីអាហារ ទៅអុជធូបបួងសួង អញ្ជើញខ្មោចឱ្យមកសេពសោយភោជនាហារ និងផ្តល់សេចក្តីសុខ សេចក្តីចម្រើនសល់កូនចៅ (ការធ្វើបែបនេះ គេតែងនាំគ្នាឱ្យតម្លៃ ថាការធ្វើតាមសាសនាព្រហ្មណ៍)។ តែតាមទស្សនៈផ្ទាល់ខ្លួន ខ្ញុំយល់ថា ការធ្វើបែបនេះ ជាលក្ខណៈអរិយធម៌ខ្មែរមានតាំងពីមានកំណើតជាខ្មែរមកម្ល៉េះ។ នេះបើយោងតាមប្រវត្តិសាស្ត្រមនុស្សដើម បើមនុស្សរស់នៅផ្ទះណា បើកាត់ស្លាប់ ត្រូវរៀបចំកន្លែងឱ្យគាត់សម្រាន្តឱ្យស្រួល។ ដល់គាត់ ពិសាអ្វី ត្រូវយករបស់នោះ ទៅជូនគាត់ (សែន) ។ ការធ្វើបែបនេះ ជាទំនៀមទម្លាប់ដល់សព្វថ្ងៃនេះ។ ការធ្វើពិធីរៀបចំសែននេះ ដោយយល់ថា មនុស្សស្លាប់ គឺស្លាប់តែជីវិតឯវិញ្ញាណមិនស្លាប់ទេ បានជាគេរៀបចំសែនជូនបែបនេះ។