បុណ្យកឋិនជាអ្វី?

កឋិនទាន គឺជាបុណ្យមួយ មានតែក្នុងព្រះពុទ្ធសាសនា ប៉ុណ្ណោះជាទានដែលមានមកតាមផ្លូវវិន័យ ហើយក៏ជាទាន មួយមានកំណត់ពេលវេលាច្បាស់លាស់ មិនមែនសុទ្ធតែពេល ណាក៏បានតាមចិត្តនោះទេរយៈពេលធ្វើកឋិនក្តី រយៈពេលទទួលកឋិនក្តី អាចធ្វើបានតែក្នុងរយៈពេលតែមួយខែគត់ (២៩ថ្ងៃ) ចាប់ពីថ្ងៃ ១រោចខែអស្សុជ រហូតដដល់១៥ កើតខែកក្តិក ។ បើខុសពីសម័យកាលនេះ ទោះបីជាមានអ្នកមានសទ្ធាធ្វើបុណ្យមានសណ្ឋានដូចកឋិនក៏ដោយ ក៏មិនអាចហៅថាកឋិនទានបានដែរ ។ ព្រោះធ្វើខុសកាលកឋិនមិនត្រូវតាមរដូវ គឹវានាំឱ្យខុសពុទ្ធានុញ្ញាត ។