វិញ្ញាសាជីវៈវិទ្យា សម្រាប់ត្រៀមប្រឡងសញ្ញាបត្រមធ្យមសិក្សាទុតិយភូមិ (វិញ្ញាសាទី១៨)

សំណួរ

១. ដូចម្ដេចដែលហៅថា ចំណងប៉ិបទីត ?

២. តើភាវៈរស់អាចបន្សល់អ្វីខ្លះទុកជាផូស៊ីល ?

៣. តើក្រពេញញើសមាននាទីដូចជា ?

៤. តើចលនាការស្វែងដំឡើងទ្វេ ADN មានសារៈសំខាន់ដូចម្ដេចខ្លះ ?

៥. តើវិស្វកម្មសេនេទិចផ្ដល់ប្រយោជន៍អ្វីដល់មនុស្ស ?

ចម្លើយ

១. ដែលហៅថាចំណងប៉ិបទីត គឺជាចំណងដែលភ្ជាប់ពីអាស៊ីតអាមីនេ មួយ ទៅអាស៊ីនអាមីនេមួយទៀតដើម្បីបង្កើតបានជាម៉ូលេគុលប្រូតេអ៉ីន ។

២. ភាវៈអាចបន្សល់ទុកដូចជាសំបកសារពាង្គកាយជាពុម្ពខាងក្នុង ឬ ខាងក្រៅហើយអាចជាសារពាង្គកាយទាំងមូលដែលកប់ក្នុងជ័រ ឬ ក្នុងទឹកកកដែលជាកំណត់ត្រាផូស៊ីល ។

៣. ក្រពេញញើសមាននាទី ៖

• បញ្ចេញញើសដើម្បីតំវូរសីតុណ្ហភាពក្នុងសារពាង្គកាយ
• ឬ បញ្ចេញសារធាតុពុល ឬ ការសំណល់មេតាបូលីស ។

៤. ចលនាការស្វ័យដំឡើងទ្វេADN មានសារៈសំខាន់ដូចជា ៖

• រក្សាចំនួនក្រូម៉ូសូមឪ្យនៅដដែលនៅពេលកោសិកាធ្វើចំណែក ។
• នៅចំណែកមីតូស កោសិកាមេ និងកោសិកាកូនមាន ADN ដូចគ្នា ។

ដូចនេះការស្វ័យដំឡើងទ្វេ ADN ធានាឪ្យមានការបញ្ចូនព័ត៌មានសេនេទិចពីកោសិកាមេទៅកោសិកាកូន ។

៥. វិស្វកម្មសេនេទិចផ្ដល់ប្រយោជន៍ដល់មនុស្សដូចជា ៖

• ចំពោះវិស័យសុខាភិបាល ផលិតសារធាតុមួយចំនួនដូចជា អរម៉ូន វ៉ាក់សាំង អាំងស៊ុយលីន អាំងទែផេរ៉ូន អាំងទែឡឺគីន អង់ទីប្យូទិច ....។
• ចំពោះវិស័យកសិកម្ម គេធ្វើឪ្យរុក្ខជាតិមានផ្លែផ្កាធន់នឹង ជម្ងឺធន់នឹងអាកាសធាតុ ថ្នាំសំលាប់សត្វល្អិតនិងស្មៅ....។
• ក្នុងវិស័យស្បៀងអាហារ  ផលិតអាហារដូចជាការផលិតទឹកដោះ គោជូរ និងប្រម៉ាស ការធ្វើនំបុ័ង ការធ្វើស្រាជាដើម ....។