វិញ្ញាសាជីវៈវិទ្យា សម្រាប់ត្រៀមប្រឡងសញ្ញាបត្រមធ្យមសិក្សាទុតិយភូមិ (វិញ្ញាសាទី១២)

សំណួរ

១. តើក្រពេញញើសមាននាទីដូចម្ដេច ?

២.ដូចម្ដេចដែលហៅថាក្រពេញប៉ារ៉ាទីរ៉ូអ៉ីត?

៣. ដូចម្ដេចដែលដែលហៅថាពន្លកជីវ្ហាវិញ្ញាណ ? រៀបរាប់ទីតាំងនៃរសេជាតិរបស់វា ។

៤. ហេតុអ្វីបានជាគេចាត់ទុកក្រពះ និងពោះវៀនតូចជាក្រពេញអង់ដូគ្រីន ?

៥. ចូរពិពណ៌នាពីស៊ីមណូស្ដែមទាំងបួនក្រុម ?

ចម្លើយ

១. ក្រពេញញើសមាននាទីបញ្ចេញញើសដើម្បីតម្រូវសីតុណ្ហភាពក្នុងសារពាង្គកាយ ។

២. ដែលហៅថាក្រពេញប៉ារ៉ាទីរ៉ូអ៉ីតជាក្រពេញរាងពងក្រពើតូចៗចំនួនបួនដែលបង្កប់ក្នុងផ្នែកខាងក្រោយនៃក្រពេញទីរ៉ូអ៉ីតវាមាននាទីបញ្ចេញផលិតអរម៉ូនប៉ារ៉ាទីរ៉ូអ៉ីត ។

៣. ពន្លកជីវ្ហាវិញ្ញាណគឺជាធ្មួលវិញ្ញាណគីមីដែលរសនឹងរសជាតិ ។ ទីតាំងរសជាតិ ៖

• រសជាតិផ្អែមស្ថិតនៅផ្នែកចុងអណ្ដាត
• រសជាតិប្រៃស្ថិតនៅចំហៀងអណ្ដាត
• រសជាតិជូរស្ថិតនៅចំហៀងសងខាង
• រសជាតិល្វីងស្ថិតនៅគល់អណ្ដាត ។

៤. បានជាគេចាត់ទុកក្រពះ និងពោះរៀនតូចជាក្រពេញអង់ដូគ្រីន ព្រោះវាជាក្រពេញដែលផលិតអរម៉ូនហើយបញ្ចេញទៅ ក្នុងចរន្ដឈាមដោយផ្ទាល់ ៖

• ក្រពះផលិតអរម៉ូនកាស្រ្ទីន
• ពោះវៀនតូចផលិតអរម៉ូនសេក្រទីន  ។

៥. ពិពណ៌នាស៊ីមណូស្ដែមទាំងបួនក្រុម ៖

• ប្រង់ (Cycard) វាមានរូបរាងបួនដើម ត្នោតម្យ៉ាងដែលមានស្លឹកផ្ដុំនៅកំពូលខាងចុង តែផលិតកោន ។
• កូនីភែ (Conifers)មានស្លឹកដូចជាម្ជុល (ស្រល់) ដែលអាចឪ្យការពារ ការបាត់បង់ជាតិទឹកនិងអាចឪ្យបន្សាំទៅនិងអាកាសធាតុស្ងួត ។ ស្លឹករបស់កូនីភែមានពណ៌បៃតងពេញមួយឆ្នាំ ។
• គីងកូ (Gingoes)  មានកំណើតតាំងពីរាប់រយលានឆ្នាំមកហើយ ។ វាមានដុះនៅក្នុងប្រទេសមួយចំនួន ដូចជាប្រទេសចិន ជប៉ុននិងកូរ៉េជាដើម ។ សព្វថ្ងៃគេដាំវានៅតាមដងផ្លូវតាមទីក្រុងព្រោះវាធន់និងកង្វក់បរិយកាសបាន ។
• ស៊ីណេតូភីត (Cinetophytes) ជារុក្ខជាតិដែលដុះនៅតាមតំបន់វាលខ្សាច់មានអាកាសធាតុក្ដៅនិងក្នុងតំបន់ព្រៃត្រូទិចមានភ្លៀង ។ ស៊ីណេតូភីតជាមួយចំនួនជាដើមឈើ និងមួយចំនួនទៀតជារុក្ខជាតិចុល្លព្រឹក្ស រុក្ខជាតិប្រភេទនេះអាចរស់នៅបានជាងមួយពាន់ឆ្នាំ ។

វិញ្ញាសាទី១៣