វិញ្ញាសាជីវៈវិទ្យា សម្រាប់ត្រៀមប្រឡងសញ្ញាបត្រមធ្យមសិក្សាទុតិយភូមិ (វិញ្ញាសាទី១៦)

សំណួរ

១. ដូចម្ដេចដែលហៅថាប្រូតេអ៉៉ីនងាយ ? ប្រូតេអ៉ីនសាំញុំា ?

២. ដូចម្ដេចដែលហៅថាអ៉ីដ្រូឡាស ? ចូររកឧទាហរណ៍អ៉ីដ្រូឡាសឪ្យបានបី ។

៣. តើបង្អូយនៅអាមេរិកខាងត្បូង និងបង្អូយនៅលើកោះឡាប៉ាកូសខុសដូចម្ដេចខ្លះ ?

៤. តើគេប្រើវិធីអ្វីខ្លះ ដើម្បីកំណត់អាយុផូស៊ីល ?

៥. ចូរបកស្រាយពចលនាការស្វ័យដំឡើងទ្វេរ AND ?

ចម្លើយ

១. ដែលហៅថាប្រូតេអ៉ីនងាយ គឺជា ប្រូតេអ៉ីនដែលកើតឡើងពីអាស៊ីតអាមីនេសុទ្ធ ។ ប្រូតេអ៉ីនសាំញុំាជាប្រភេទប្រូតេអ៉ីនដែលមានទាំងប្រូតេអ៉ីនងាយ និងសារធាតុដែលមិនមែនជាប្រូតេអ៉ីន ។

២. ដែលហៅថាអ៉ីដ្រូឡាសគឺជា អង់ស៊ីមដែលចូលរួមប្រតិកម្មផ្ដាច់សម្ព័ន្ធគីមី ដោយភ្ជាប់ អ៉ីយ៉ុង OH-អ៉ីយ៉ុង H- ដែលបានមកពីម៉ូលេគុលទឹក ឬ យើងអាចហៅប្រតិកម្មនេះបានថា “ ប្រតិកម្មអ៉ីដ្រូលីស “ ។ រាប់ប្រតិកម្មឪ្យបានបី កាបូនអ៉ីដ្រាស ប្រូតេអាស លីប៉ាស ។

៣. បង្អូយនៅអាមេរិកខាងត្បូង និងបង្អូយនៅលើកោះឡាប៉ាកូស ខុសគ្នាត្រង់ ៖ បង្អូយនៅអាមេរិកខាងត្បូងមានក្រញុំាតូចៗ ដែលធ្វើឪ្យវាអាចឡើងដើមឈើបាន ។ ចំណែកឯបង្អូយនៅលើកោះកាឡាប៉ាកូសវិញមានក្រញុំាជើងធំៗ ដែលអាចឪ្យវាតោងថ្ម រអិលតាមឆ្នេរសមុទ្របាន ។

៤. ដើម្បីកំណត់អាយុផូស៊ីលគេប្រើវិធីដូចជា ៖

• ការកំណត់តាមស្រទាប់សិលា ផូស៊ីលដែលមានអាយុច្រើនជាងគេស្ថិតនៅស្រទាប់សិលាក្រោមគេ ហើយផូស៊ីលដែលមានអាយុតិចជាងគេ ស្ថិតនៅក្នុងស្រទាប់សិលា លើគេ ។
• ការកំណត់តាមសារធាតុវិទ្យុសកម្ម វីធីនេះដោយប្រើប្រាសើធាតុវិទ្យុសកម្ម C14 ចំពោះផូស៊ីលដែលមានអាយុ ៧០០០ ឆ្នាំតែចំពោះផូស៊ីល ដែលមានអាយុច្រើនជាងនេះ ឬ រាប់លានឆ្នាំគេប្រើសារធាតុវិទ្យុសកម្មអុយរ៉ាណ្យូមឬរ៉ាដ្យូម ។

៥. ចលនាស្វ័យដំឡើងទ្វេ AND ប្រព្រឹត្តទៅដូចជា ៖

• ដំបូងច្រវ៉ាងទាំងពីររបស់ម៉ូលេគុល AND ចាប់ផ្ដើមរលា
• ការផ្ដាច់សម្ព័ន្ធ អ៉ីដ្រូសែនធ្វើឪ្យច្រវ៉ាក់ទាំងពីរ ឃ្លាតគ្នាក្រោមអំពើរបស់អង់ស៊ីម AND ប៉ូលីមេរ៉ាស
• នុយក្លេអូទីតសេរីនៅណ្វៃយ៉ូរត់ចូលមកបំពេញតាមច្រវ៉ាក់នីមួយតាមគោលការណ៍បាស A-T និង C-G ។ ច្រវ៉ាក់នីមួយៗរបស់ម៉ូលេគុល AND មេធ្វើជាពុម្ពគំរូសម្រាប់សំយោគច្រវ៉ាក់ម្ខាងទៀតនៃម៉ូលេគុល AND កូន ។ ក្រោយពេលស្វ័យដំឡើងទ្វេ គេទទួលបានម៉ូលេគុល ANDកូនដែលដូចគ្នានបេះបិទហើយដូចទៅនឹងម៉ូលេគុល ANDមេ ។

វិញ្ញាសាទី១៧