តើអូប័រជាអ្វី?

ការរីកចំរើនផ្នែកបច្ចេកទេសវិទ្យាសាស្រ្តបានជំរុញការអភិវឌ្ឍសំភារៈប្រើប្រាស់កាន់តែទំនើបឡើងគឺ ពីការ​ប្រើទូកដោយកំលាំងមនុស្ស រឺកំលាំងខ្យល់មកប្រើទូកដើរដោយកំលាំងម៉ាស៊ីនវិញ។ ចំពោះទូក មានម៉ាស៊ីននៅផ្នែកខាងក្រោយ ហើយនៅខាងក្រៅយានគេអាចដោះវាចេញបាន។ ក្រោយមក គេដាក់ម៉ាស៊ីនចូលក្នុងតួយានជំនួសវិញ។ ក្នុងពេលបញ្ជាយាន គេគ្រាន់តែបញ្ញាទៅឱ្យស្លាបចក្រ ដើម្បីឱ្យម៉ាស៊ីនធ្វើចលនា ទូកប្រភេទនេះ ម៉ាស៊ីនពាក់កណ្តាលនៅខាងក្នុង និងពាក់កណ្តាលទៀតនៅខាងក្រៅ។ ក្រោយមកទៀតគេដាក់ម៉ាស៊ីនក្នុងតួយានទាំងស្រុង ហើយរចនាតួយ៉ាងប្រណីតគេហៅថាអូប័រ។ អូប័រខ្លះមានតួជាពោងកៅស៊ូ។ គេប្រើអូប័រជាប្រយោជន៍ច្រើនយ៉ាងដូចជាជិះលំហែកាយ រឺប្រណាំងប្រជែងជាដើម។