ការប្តេជ្ញាចិត្តរបស់ការលោកនឹងធ្វើឲ្យអាជីវកម្មនេះល្បីនៅថ្នាក់តំបន់តែម្តង តើពេលនេះលោកកំពុងស្ថិតនៅចំណុចណាហើយ ?

យើងមានគម្រោងតាំងពីឆ្នាំ២០០៧ និង ២០០៨ មកម្ល៉េះ ប៉ុន្តែវិបត្តិសេដ្ឋកិច្ចធ្វើឲ្យប​៉ះពាល់មិនត្រឹមតែក្រុមហ៊ុនខ្ញុំមួយទេគឺក្រុមហ៊ុនច្រើនដែរ ។ ខ្ញុំទទួលស្គាល់ថា ក្រុមហ៊ុនខ្ញុំប៉ះពាល់ដែរតាំងពីការចំណាយរបស់អតិថិជនតាំងពីគម្រោងពង្រីករបស់ក្រុមហ៊ុនយើងខ្ញុំ ។ ពេលនោះយើងមានដៃគូរក្រៅប្រទេសត្រៀមធ្វើជាមួយយើងរួចគេក៏ផ្អាកវិញ ។ យ៉ាងណាក៏ដោយ យើងត្រៀមធ្វើច្រើននៅឆ្នាំ ២០១២ ដែលអ្វីៗស្ថិតក្នុងគម្រោងទាំងអស់ ។ លើសពីនោះយើងក៏ត្រៀមពង្រីកអាជីវកម្មបន្ថែមទៀតដែរ ដោយនាំយកយីហោនំបុ័ងមួយពីប្រទេសកូរ៉េ ហើយនឹងបើកនៅអំឡុងខែមេសា ឬឧសភា ឆ្នាំក្រោយ ។ យើងក៏ត្រៀមយកយីហោរបស់យើងទៅក្រៅប្រទេសផងដែរ ។