តើសមាសភាគផលិតផលមានអ្វីខ្លះ ?

សមាសភាគផលិតផលមានៈ

• លក្ខណៈពិសេសផលិតផលៈ លក្ខណៈពិសេសផលិតផលត្រូវបានអង្គភាពអាជីវកម្មបន្ថែមលើគុណភាព ដើម្បីធ្វើងោយផលិតផលប្លែង និងប្រសើរជាងផលិតផលគូប្រជែង ។ លក្ខណៈពិសេសនេះត្រូវតែឆ្លើយតបទៅនឹងការសង្ឃឹមរបស់អ្នកប្រើប្រាស់ផងដែរ ។
• ជំរើសមុខកងារផ្សេងៗៈ ទោះបីជាផលិតផលពិសេសក៏ដោយ ដើម្បីលើកកំពស់ផលិតផលអ្នកត្រូវបង្កើតផលិតផលអោយមានតាមលំដាប់និងលក្ខណៈផ្សេងៗគ្នាដើម្បីឲ្យអ្នកទិញមានជំរើសច្រើនក្នុងការទប់ស្កាត់កុំឲ្យអតិថិជនអាចគេចចេញពីក្រុមឬស្រឡាយផលិតផលរបស់ខ្លួន ។
• សេវាផ្សារភ្ជាប់ ជាមួយនឹងការសំរេចចិត្តទិញរបស់អតិថិជន យើងក៏ត្រូវផ្តល់នូវសេវាអតិថិជនដោយណែនាំឲ្យគេស្គាល់ពីផលិតផលរបស់អ្នក និងការបណ្តុះបណ្តាលងតិថិជនពីរបៀបប្រើប្រាស់និងថែរក្សា ។ មិនតែប៉ុណ្ណោះទេអ្នកត្រូវគិតថានៅមានរឿងជាច្រើន ទៀតដែលអតិថិជនត្រូវពឹងពាក់អ្នកឲ្យជួយដោះស្រាយ ។
• ផ្លាកសញ្ញា ( នាមសញ្ញា ) មើលមួយភ្លែត ផ្លាកសញ្ញាហាក់ដូចជាមិនជាផ្នែកដែលសំខាន់របស់ផលិតផល ។ តែមានការពិតងតិថិជនអាចកំណត់សំគាល់បានផលិតផលដែលគេចង់ទិញតាមរយៈផ្លាកសញ្ញានេះផងដែរ ។ ហើយវាជាកត្តាសំខាន់បំផុតសំរាប់ការសំរេចចិត្តទិញលើកក្រោយៗទៀត  ។ ផ្លាកសញ្ញា គឺជាឈ្មោះ សញ្ញា ពាក្យ ដែលកំណត់ដាក់ឲ្យផលិតផលណាមួយ ។ ពាណិជ្ជសញ្ញា គឺជាការការពារខាងផ្លូវច្បាប់នៃផ្លាកសញ្ញា សំរាប់ផលិតផល ។
• ការធានា ពេលអតិថិជនទិញផលិតផល គេប្រាថ្នាទទួលបាននូវតំលៃយ៉ាងប្រសើរ ប្រសិនបើគេដឹងថាផលិតផលផ្តុំឡើយមិនបានល្អនិងមិនដំណើរការបានប្រសើរឬក៏ខូចរហ័សអ្នកទិញនឹងមិនទិញវាឡើយ ។ ក្រុមហ៊ុនត្រូវផ្តល់នូវការធានាចំពោះផលិតផលទៅអោយអតិថិជន ដោយសន្យាថានឹងធ្វើការជួសជុលដោយឥតគិតកំរៃ និងដូរមកវិញនៅពេលមានបញ្ហា ។
• សំបកវេចខ្ចប់ វាជាផ្នែកដែលមនុស្សមួយចំនួនគិតមិនដល់ តែម៉ាឃីតធីងមិនមើលរំលងលើចំណុចនេះទេ ។​ សំបកវេចខ្ចប់ផ្តល់នូវការការពារ និងសុវត្ថិភាពចំពោះផលិតផលរហូតដល់ដៃអតិថិជនអាចប្រើប្រាស់ ។ នៅលើស្រោមសំបកក្រៅពីផ្លាកសញ្ញានៅមានការសរសេរនិងដាក់សញ្ញាមួយចំនួន នៅលើនោះ ។ វាអាចផ្តល់នូវព័ត៌មានជាជំនួយក្នុងការសំរេចចិត្តទិញ ។ វាមានប្រយោជន៍ក្នុងការផ្សព្វផ្សាយផលិតផល ទាក់ទាញការយកចិត្តទុកដាក់បង្ហាញពីការប្រើប្រាស់ផលិតផល ។