តើអ្វីជាគោលដៅរបស់រដ្ឋាភិបាល ក្នុងការបង្កើតឱ្យមានគោលនយោបាយធនធានមនុស្សក្នុងរដ្ឋបាលសាធារណៈនៅតាមបណ្តាក្រសួងស្ថាប័ន? ចូររៀបរាប់។

គោលនយោបាយធនធានមនុស្សក្នុងរដ្ឋបាលសាធារណៈ ត្រូវបានរៀបចំឡើងដើម្បីសម្របសម្រួល និងជួយដល់ក្រសួង ស្ថាប័នឱ្យសម្រេចនូវគោលដៅដូចខាងក្រោម៖

• កែលម្អរបៀបរបបគ្រប់គ្រងការងារ តាមរយៈការរៀបចំប្រព័ន្ធការងារច្បាស់លាស់ ការកំណត់ភារកិច្ចរបស់មុខតំណែងសំខាន់ៗមួយចំនួន និងកំណត់ចំនួនមន្រ្តីឱ្យ (រៀបចំការពិពណ៌នាមុខតំណែង) សមស្រប ប្រកបដោយគុណភាពទៅតាមទំហំការងារ។
• ពង្រឹងការគ្រប់គ្រង ការជ្រើសរើស ការរៀបចំាចាត់ចែងមន្រ្តីតាមសមត្ថភាពជំនាញ ឱ្យបំពេញការងារចំកន្លែងឬចំមុខតំណែង និងឱ្យទាន់ពេលវេលា ដោយផ្អែកលើគោលការណ៍សមធម៌ តម្លាភាព និងគុណសម្បត្តិស័ក្តិសម។
• ធ្វើឱ្យប្រសើឡើងនូវការប្រើប្រាស់ធនធានមនុស្ស ដែលមានស្រាប់ឱ្យអស់ពីលទ្ធភាពដោយធ្វើការគ្រប់គ្រងប្រសិទ្ធភាពការងារ និងធ្វើការវាយតម្លៃការអនុវត្តការងាររបស់មន្ត្រី ដោយផ្អែកលើលក្ខខណ្ឌប្រតិបត្តិ និងសូចនាករដែលបានកំណត់។
• លើកកម្ពស់ការអភិវឌ្ឃន៍សមត្ថភាពការងារថ្មីៗដល់មន្ត្រីរាជការនៅក្នុងក្រសួង ស្ថាប័ន ព្រមទាំងជំរុញការផ្លាស់ប្តូរឥរិយាបថ របស់មន្ត្រីរាជការជាបណ្តើរៗ តាមរយៈការបណ្តុះបណ្តាល ដោយផ្តោតលើតម្រូវការចាំបាច់ និងការធ្វើកម្ពុជានីយកម្មលើការបណ្តុះបណ្តាល។
• ពង្រឹងក្រមសីលធម៌ និងវិន័យមន្ត្រីរាជការ​ ដោយធ្វើការអនុវត្តប្រកដដោយសមភាព និងមានភាពវាងវៃ។