ការត្រួតពិនិត្យគេធ្វើឡើងនៅ ៖
- មុនពេលធ្វើសកម្មភាព ៖ ធ្វើការពិនិត្យមើលថាតើប្រភពធនធានទាំង៣ = មនុស្ស មូលដ្ឋានសំភារៈ ហិរញ្ញវត្ថុដែលអង្គភាពផ្តល់អោយមានគ្រប់គ្រាន់, ងាយរកមកប្រើប្រាស់បានទាំងបរិមាណ, គុណភាព និងនៅទីកន្លែងណា ?
- ក្នុងពេលធ្វើសកម្មភាព ៖ គឺពិនិត្យមើលសកម្មភាពការងារដើម្បីធ្វើការកែតំរូវ និងតំរង់ទិសការងារដែលងាកចេញពីផែនការអោយវាងាកចូលមកក្នុងទិសដៅរបស់ផែនការវិញ ។
- ត្រួតពិនិត្យបាទ/ទេ ៖ គឺពិនិត្យមើលសំណូមពររបស់ការងារកំពុងអនុវត្ត ឬលក្ខខណ្ឌពិសេសណាមួយ ដែលជាឧបសគ្គដល់ការងារ ដើម្បីសុំសេចក្តីសំរេចពីថ្នាក់ដឹកនាំ បើគេសំរេចតាមសំណូមពរគឺ បាទ, បើគេមិនសំរេច គឺទេ ។
- ក្រោយពេលធ្វើសកម្មភាព ៖ គឺត្រួតពិនិត្យមើលលទ្ធផលការងារមួយដែលបានបញ្ចប់ហើយ តើវាមានបញ្ហាអ្វីខ្លះ ? ចំណុចខ្លាំងខ្សោយរបស់វាមានអ្វីខ្លះ ? ដើម្បីធ្វើការកែប្រែ ឬបំពេញបន្ថែមសំរាប់ការងារក្រោយៗ ទៀតដែលមានលំនាំប្រហាក់ប្រហែលគ្នា ។
