ហេតុអ្វីបានជាគេត្រូវសិក្សាស្ថានភាពសេដ្ឋកិច្ចតំបន់ និងសកលក្នុងដំណើរការនៃការវិភាគសេដ្ឋកិច្ចកម្ពុជា ?

ជាការពិតណាស់កំណើនសេដ្ឋកិច្ចរបស់ប្រទេសកម្ពុជា គឺដោយសារប្រទេសកម្ពុជាជាសេដ្ឋកិច្ចបើកចំហរ មានទំនាក់ទំនងពិសេសជាមួយនឹងប្រទេសខាងក្រៅដូចជា តំបន់អឺរ៉ុប និងអាមេរិកខាងជើង និងប្រទេសមួយចំនួនទៀត ក្នុងតំបន់ទៅលើវិស័យពាណិជ្ជកម្ម ទេសចរណ៍ និងការវិនិយោគទុន ។ ផលិតផលរបស់ប្រទេសកម្ពុជា ភាគច្រើនបានចាំចេញទៅប្រទេសទាំងនោះ ហើយផលិតផលទាំងនោះមានដូចជា សំលៀកបំពាក់ ស្បែកជើង វាយនភណ្ឌ អង្ករ កៅស៊ូ និងផលិតផលផ្សេងៗទៀត ។ ម្យ៉ាងទៀតភ្ញៀវទេសចរណ៍អន្តរជាតិ និងអ្នកវិនិយោគទុនពីបរទេស ភាគច្រើនមានប្រភពពីប្រទេសជិតខាងក្នុងតំបន់អាស៊ី ។ ប្រសិនបើយើងធ្វើការសិក្សាពីស្ថានភាពសេដ្ឋកិច្ចប្រទេសក្នុងតំបន់ និងសកលមានស្ថានភាពសេដ្ឋកិច្ចល្អប្រសើរនោះ ការវិភាគសេដ្ឋកិច្ចរបស់កម្ពុជាក៏ធ្វើឲ្យកម្ពុជាមានកំណើនសេដ្ឋកិច្ចល្អប្រសើរដូចប្រទេសក្នុងតំបន់ និងសកលដែរ ។ តែផ្ទុយមកវិញ ប្រសិនបើក្រោយការសិក្សាស្ថានភាពសេដ្ឋកិច្ចរបស់ប្រទេសក្នុងតំបន់ និងសកលមិនល្អ ឬមានវិបត្តិសេដ្ឋកិច្ចនោះ កម្ពុជាក៏នឹងជួបវិបត្តិសេដ្ឋកិច្ចដូចប្រទេសទាំងនោះដែរ ។