ពិធីសែនមេបា?

ពិធីមេបា ខ្មែរតែងប្រារព្ធធ្វើ កាលណាកូនចៅប្រព្រឹត្តខុសសីលធម៌សង្គមគ្រួសារដូចតទៅ ៖

• ខុសមេបាចាស់ទុំ ៖ ដោយកូនចៅបងប្អូនញាត្តិប្រាំពីរសន្តាន (ញាត្តិប្រាំពីរគិតខាងលើ៣ “ ម្តាយឪពុក ជីដូនជីតា យាយទួតតាទួត “ ខាងក្រោម៣ “ កូនចៅ ចៅទួត ចៅលួត ចៅលា “ ។ ដូចនេះបងប្អូនទាំងប្រាំពីរសន្តានត្រូវជូបសែនព្រេនមេបាដោយសន្យាថា អោយអ្នកឈឺ​បានជាសៈស្បើយចុះ ពួកគេនិងសន្យា លែងឈ្លោះប្រកែកគ្នាតទៅទៀតហើយ ។

• ខុសមេបាកំលោះក្រមុំ ៖ ដោយកូនក្រមុំ ឬកូនកំលោះបានលួចលាក់ស្រលាញ់គ្នាជាគូ ដោយរួមរ័ក្ស ពុំអោយឪពុកម្តាយដឹងឮ ។ ទោសនោះមេបាធ្វើអោយសមាជិតនៃគ្រួសារទាំងប្រាំពីរសន្តានណាមួយឈឺដាក់ថ្នាំមិនដឹងសោះ ។ ពេលនោះគេតែងតែរាវរកកូនកំលោះ ក្រមុំ ដែលបានធ្វើខុសសីលធម៌អោយទៅនិយាយសារភាពកំហុស សែនព្រេនអង្វរអោយអ្នកឈឺបានជាសះស្បើយដូចដើមវិញចុះ ។

• ខុសមេបាផ្តាប់មុខ ឬ បិទមុខ ៖ ក្នុងករណីសាកម្មភាពស្រីក្បត់ប្តីមានសាហាយ ។ ខុសមេបាប្រភេទនេះ គឺពីបាកនិងរកឃើញណាស់ លុះត្រា​តែស្រីដែលមានកំហុសនោះចេញមកសារភាពកំហុសឆ្គងខ្លួ​នឯង ក្នុងផ្លូវមនោសញ្ជាតនាខ្ពស់ចំពោះញាតិទាំង៧សន្តាន ដែលមានជំងឺព្យាបាលមិនជាសះស្បើយ ។