តើពាក្យចំណូលនិងចំណេញមានន័យដូចគ្នាដូចម្តេច?ចំណេញដុលឬចំណេញសុទ្ធ?

បើនិយាយពីចំណូលមានច្រើនប្រភេទមានដូចជាចំណូលគ្រួសារចំណូលអង្គការនិងចំណូលអាជីវកម្មជាដើម ប៉ុន្តែអត្ថបទនេះយើងសូមលើកយកចំណូលក្នុងអាជីវកម្មជាគំរូ។ចំណូលគឺជាតួរលេខសរុបមួយដែលរកបានពីការលក់ផលិតផលឬសេវាកម្មដែលជាប់ទាក់ទងនឹងប្រតិបត្តិការនៃក្រុមហ៊ុន។ចំណូលតែងតែត្រូវបានគេសរសេរនៅលើគេនៅក្នុងរបាយការណ៍ហិរញ្ញវត្ថុ។នៅដំណាក់កាលទីមួយគេយកចំណូលដក ចំណាយទៅលើថ្លៃដើមផលិត ហើយគេនឹងរកឃើញចំណេញដុល។ចំណេញដុលគឺជាតួរលេខចំណេញដែលទទួលបានក្រោយពីទូរទាត់ជាមួយថ្លៃដើមប៉ុន្តែវាមិនទាន់ត្រូវទូរទាត់ជាមួយនឹងចំណាយក្នុងប្រតិបត្តិការអាជីវកម្មនោះទេដូចជាចំណាយកលើទឹកភ្លើង ថ្លៃប្រាក់ខែបុគ្គលិក ថ្លៃធ្វើទីផ្សារ និងចំណាយចាំបាច់ផ្សេងៗទៀត។ចំណេញគឺជាតួរលេខចំណេញសរុបចុងក្រោយដែលត្រូវបានទទួលស្គាល់ក្រោយពីដកជាមួយនឹងចំណាយទាំងអស់នៅក្នុងប្រតិបត្តិការអាជីវកម្មរួមទាំងការចំណាយលើការរំលស់និងបង់ពន្ធផងដែរ។ ផ្ទុយពីចំណូលដែលជាធាតុនៅលើគេប៉ុន្តែចំណេញគឺជាធាតុដែលនៅក្រោមគេ។ ចំណេញដុលគឺជាតួរលេខប្រាក់ចំណេញដែលបានមកពីការដកថ្លៃដើមផលិតពោលគឺមិនទាន់ដកចំណេញក្នុងប្រតិបត្តិការនៅឡើងទេដូចដែលអ្នកឃើញក្នុងឧទាហរណ៍ចំណេញខាតខាងក្រោមស្រាប់។ចំណែកចំណេញសុទ្ធគឺជាតួរលេខទទួលបានបន្ទាប់ពីយកចំណេញដុលដកគ្នាជាមួយចំណាយក្នុងប្រតិបត្តិការ។ឯកសារយោងKnowledge For Success