តើកត្តាអ្វីខ្លះដែលបណ្តាលឲ្យមានរបបសាធារណរដ្ឋខ្មែរកើតឡើង ?

ពីព្រោះនៅចុងសម័យសង្គមរាស្រ្តនិយមមានវិបត្តិជាច្រើនបានកើតឡើងគឹ៖

• សង្គ្រាមត្រជាក់ៈ ការប្រកួតប្រជែងរវាងមនោគមវិជ្ជា២គឹ សេរី ( សហរដ្ឋអាមេរិក ) និងកុំមុយនីស្ត ( សូវៀត )
• វិបត្តិសង្គមៈ មានកើតឡើងអំពើពុករលួយ អយុត្តិធម៌ បក្សពួកនិយម ល្បែងស៊ីសង អសន្តិសុខ...
• វិបត្តិសេដ្ឋកិច្ចៈ រោងចក្រ សហគ្រាសរដ្ឋត្រូវដួលរលំ ដោយសារអំពើពុករលួយ បក្សពួកនិយម ដោយសារការធ្វើជាតូបនីយកម្ម ការចំណាយខ្វះតុល្យភាព និងការផ្តាច់ជំនួយពីសហរដ្ឋអាមេរិក
• វិបត្តិនយោបាយៈ នយោបាយអព្យាក្រឹត្យមិនចំទិស មានភាពលម្អៀង ដោយសារមនោគមវិជ្ជា និងអ្នកដឹកនាំខ្មែរលោភលន់អំណាច
• ការពង្រីងកម្លាំងរបស់ពួកកុម្មុនីស្តៈ ពួកកុម្មុនីស្តបានបង្ករអសន្តិសុខ និងបានកាន់កាប់ផ្ទៃដី១ភាគ៥ លើទឹកដីកម្ពុជាទាំងមូល ដែលមានការគាំទ្រពីពួកនិស្សិត និងគ្រូបង្រៀន ជាពិសេសគឹមានការជួយគាំទ្រពីពួកវៀតណាម
• វិបត្តិផ្ទៃក្នុងរដ្ឋាភិបាលៈ មន្រ្តីរដ្ឋាភិបាលស្រោចស្រង់ជាតិ ភាគច្រើនពុករលួយ ដោយការរកស៊ីលក់អាវុធថ្នាំពេទ្យ និងផ្គត់ផ្គងគ្រឿងផ្សេងៗដល់ពួកកុម្មុនីស្តវៀតណាម
• វត្តមានជនបរទេសៈ យួនយៀកមិញ និងយៀកកុងចូលមករស់​នៅក្នុងទឹកដីខ្មែរកាន់តែច្រើនឡើងៗ ។ កត្តានេះហើយបានធ្វើឲ្យលោក លន់ នល់ និងទ្រង់សិរីមតៈបង្ខំចិត្តធ្វើរដ្ឋប្រហារទម្លាក់សម្តេច សីហនុ ចេញពីអំណាច នៅថ្ងៃទី ១៨ មីនា ឆ្នាំ ១៩៧០ ។