សំណួរ-ចម្លើយ សទ្ទានុក្រម រដ្ឋប្បវេណី (ភាគ៩)

សំណួរ

៤១- តើឯកសារត្រៀមសំដៅដល់អ្វី ?

៤២- តើនីតិបុគ្គលសាធារណៈសំដៅដល់អ្វី ?

៤៣- តើនីតិឯកជនសំដៅដល់អ្វី ?

៤៤- តើបញ្ជីគណនីសំដៅដល់អ្វី ?

៤៥- តើបញ្ញើបន្តសំដៅដល់អ្វី ?

ចម្លើយ

៤១- ឯកសារត្រៀម សំដៅដល់ឯកសារដែលសរសេរអំពីមធ្យោបាយតទល់ ឬការពារខ្លួនដែលភាគីយកទៅអះអាងចំពោះមុខតុលាការ ។

៤២- នីតិបុគ្គលសាធារណៈ សំដៅដល់ស្ថាប័ន ដែលត្រូវបានបង្កើតឡើង និងគ្រប់គ្រងដោយច្បាប់សាធារណៈ ដែលមានសិទ្ធិអំណាចក្នុងការអនុវត្តកិច្ចការរដ្ឋបាល ។

៤៣- នីតិឯកជន សំដៅដល់វិធានទាំងឡាយ ដែលគ្រប់គ្រងទំនាក់ទំនងគតិយុត្ត រវាងបុគ្គលឯកជន និងបុគ្គលឯកជន ហើយមិនឋិតក្រោមនីតិសាធារណៈទេ ។

៤៤- បញ្ជីគណនី តាមក្រមរដ្ឋប្បវេណី មានន័យថា តារាង ឬរបាយការណ៍ ដែលកត់ត្រានូវចលនាចំណូល ចំណាយ ប្រាក់ចំណេញ ឬខាតនៅក្នុងអំឡុងពេលកំណត់ណាមួយ ។

៤៥- បញ្ញើបន្ត សំដៅដល់កិច្ចសន្យាដែលភាគីម្ខាងជាអ្នកទទួលបញ្ញើបន្ត សន្យាទទួលយកវត្ថុបញ្ញើពីភាគីម្ខាងទៀត ដែលជាអ្នកផ្ញើ និងជាអ្នកទទួលបញ្ញើក្នុងកិច្ចសន្យាបញ្ញើមួយផ្សេងទៀតមករក្សាទុក ។

តភាគ