សំណួរ-ចម្លើយ សទ្ទានុក្រម រដ្ឋប្បវេណី (ភាគ៨)

សំណួរ

៣៦- តើទ្រព្យសម្បត្តិជាមូលដ្ឋានសំដៅដល់អ្វី ?

៣៧- តើទ្រព្យសម្បត្តិដោយឡែកសំដៅដល់អ្វី ?

៣៨- តើទ្រព្យសម្បត្តិរួមសំដៅដល់អ្វី ?

៣៩- តើនវកម្មសំដៅដល់អ្វី ?

៤០- តើឯកសិទ្ធិសំដៅដល់អ្វី ?

ចម្លើយ

៣៦- ទ្រព្យសម្បត្តិជាមូលដ្ឋាន សំដៅដល់ចំនួនជាក់លាក់នៃទ្រព្យសម្បត្តិ ដែលនីតិបុគ្គលទទួលខុសត្រូវមានកម្រិត និងនីតិបុគ្គលមូលនិធិត្រូវមានតាមការកំណត់របស់ច្បាប់ ។

៣៧- ទ្រព្យសម្បត្តិដោយឡែក សំដៅដល់ទ្រព្យសម្បត្តិ ដែលសហព័ទ្ធម្ខាងមាននៅមុនពេលរៀបអាពាហ៍ពិពាហ៍ និងបានទទួលដោយប្រទានកម្ម សន្តិតកម្ម អច្ច័យទាន នៅក្នុងអំឡុងពេលមានចំណងអាពាហ៍ពិពាហ៍​ ។

៣៨- ទ្រព្យសម្បត្តិរួម សំដៅដល់ទ្រព្យសម្បត្តិទាំងលាយ ដែលប្តីប្រពន្ធទាំងសងខាង​ ឬតែម្ខាងទទួលបាននៅក្នុងអំឡុងពេលមានចំណងអាពាហ៍ពិពាហ៍ លើកលែងតែទ្រព្យសម្បត្តិដោយឡែក ។

៣៩- នវកម្ម សំដៅដល់កិច្ចសន្យារវាងម្ចាស់បំណុល និងកូនបំណុល ដែលរំលត់កាតព្វកិច្ចដើម និងបង្កើតកាតព្វកិច្ចថ្មីជំនួសកាតព្វកិច្ចដើមនោះ ។

៤០- ឯកសិទ្ធិ សំដៅដល់សិទ្ធិដែលទទួលបាននូវការសងទ្រព្យ ដែលជាកម្មវត្ថុនៃឯកសិទ្ធិដោយមានអាទិភាពជាងម្ចាស់បំណុលផ្សេងទៀត ។

តភាគ