សំណួរ-ចម្លើយ ច្បាប់ភូមិបាល (ភាគ៩)

សំណួរ

៤១- តើអវយវភេទសំដៅដល់អ្វី ?

៤២- តើអវិភាគកម្មសំដៅដល់អ្វី ?

៤៣- តើអសារកម្មសិទ្ធិសំដៅដល់អ្វី ?

៤៤- តើលិខិតសាងសង់មានប៉ុន្មានប្រភេទ ?

៤៥- តើទំហំនៃសំណង់មានអ្វីខ្លះ ?

ចម្លើយ

៤១- អវយវភេទ សំដៅដល់ការបាក់បែកអវយវៈ ។ ក្នុងច្បាប់ អវយវភេទបានន័យថា ការផ្ទេរសិទ្ធិខ្លះរបស់ខ្លួនលើកម្មសិទ្ធិណាមួយឲ្យទៅអ្នកដទៃ ។

៤២- អវិភាគកម្ម សំដៅដល់ភាពដែលចែកគ្នាមិនបាន ។ ឧទាហរណ៍ ផ្ទះមួយជាមរតករបស់កូន ៥នាក់ ពុះផ្ទះនោះចែកគ្នា ផ្ទះនោះនឹងអន្តរាយជាមិនខាន ។ ដូច្នេះផ្ទះនេះជាមរតកអវិភាគ ។

៤៣- អសារកម្មសិទ្ធិ សំដៅដល់កម្មសិទ្ធិដែលឥតឲ្យផលដល់ម្ចាស់កម្មសិទ្ធិទេ ដោយហេតុថា​ម្ចាស់កម្មសិទ្ធិនោះឲ្យសិទ្ធិខ្លួនទៅ អ្នកដទៃស៊ីផលនៃកម្មសិទ្ធិនេះទាំងអស់ ។

៤៤- លិខិតសាងសង់មាន៣ប្រភេទគឺ ៖

• សំណង់ថ្មីសុទ្ធ
• សំណង់ដែលមានហើយ (តែគេជួសជុលដែលអាចមានលក្ខណៈជាទ្រង់ទ្រាយធំ ឬតូច)
• កាបំផ្លាញចោល ។

៤៥-​ ទំហំនៃសំណង់មានដូចជា ៖

• សំណង់ដែលមានទំហំក្រោម ៥០០ ម៉ែត្រការ៉េ ស្រុក ខណ្ឌ ក្រុង
• សំណង់ដែលមានទំហំក្រោម ៣០០០ ម៉ែត្រការ៉េ រាជធានី ខេត្ត
• សំណង់ដែលមានទំហំធំជាងនេះ រាជរដ្ឋាភិបាល ។

តភាគ